فوتو: اتىراۋ وبلىستىق پوليتسييا دەپارتامەنتٸ
اتىراۋ وبلىسىندا جىل باسىنان بەرٸ كيٸكتٸ زاڭسىز اۋلاعانداردان 335 مٷيٸز, تەگٸس ۇڭعىلى 7 قارۋ تەركٸلەندٸ. قۇقىق بۇزۋشىلاردان 283 ملن تەڭگە ايىپپۇل ٶندٸرٸلگەن, دەپ حابارلايدى Ult.kz Kazinform-عا سٸلتەمە جاساپ.
اتىراۋ وبلىستىق پوليتسييا دەپارتامەنتٸ تابيعات قورعاۋ پوليتسييا توبىنىڭ اعا ينسپەكتورى نۇرلىبەك قاناتوۆتىڭ مەلٸمەتٸنشە, كەشەدەن بەرٸ «كيٸك-2024» تابيعاتتى قورعاۋ اكتسيياسى ٶتٸپ جاتىر.
«بۇل اكتسييانى ٶتكٸزۋدٸڭ بٸرنەشە ماقساتى بار. بٸرٸنشٸدەن, كيٸك پوپۋلياتسيياسىن قورعاپ, سانىن كٶبەيتۋگە ىقپال ەتۋ. ەكٸنشٸدەن, براكونەرلەرگە قارسى كٷرەس كٷشەيتٸلٸپ, قۇقىق بۇزۋشىلارعا قاتاڭ جازا قولدانىلادى. مەسەلەن, بيىل جىل باسىنان بەرٸ وبلىستا جانۋارلار دٷنيەسٸن قورعاۋعا قاتىستى 83 قۇقىق بۇزۋشىلىق انىقتالدى. قۇقىق بۇزۋشىلاردان 335 دانا كيٸك مٷيٸزٸ, 7 تٸركەلمەگەن تەگٸس ۇڭعىلى اڭشى قارۋى تەركٸلەندٸ», - دەيدٸ نۇرلىبەك قاناتوۆ.
ال, وبلىستىق ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسىنىڭ باس مامانى مەرەكە شالحاروۆتىڭ پٸكٸرٸنشە, كيٸكتٸڭ كٶبەيۋٸنە كەرٸ ەسەر ەتەتٸن قاۋٸپتٸ سەبەپتەر بار.
«الدىمەن بۇل جايت براكونەرلٸككە قاتىستى بولىپ وتىر. ەكٸنشٸدەن, تابيعي سيپاتتاعى اپاتتاردىڭ ىقپالى بار. ٷشٸنشٸدەن, كيٸك مەكەندەيتٸن جەر ازايدى. بىلتىر 7 قىلمىستىق ٸس تٸركەلٸپ, سوتقا جولدانعان ەدٸ. سونىڭ نەتيجەسٸندە ٶندٸرٸلگەن قارجى 6,5 ملرد تەڭگەنٸ قۇرادى. ال, بيىل تٸركەلگەن قىلمىستىڭ 4-ەۋٸ سوتقا جولداندى. كيٸكتٸ زاڭسىز اۋلاۋشىلاردان 283 ملن تەڭگەگە جۋىق قارجى مەملەكەت پايداسىنا ٶندٸرٸلدٸ. ٶزگە قىلمىستىق ٸستەر ەكەۋٸ تەرگەلٸپ جاتىر», - دەپ حابارلادى مەرەكە شالحاروۆ.
«وحوتزووپروم «ٶب» رمقك باس ديرەكتوردىڭ ورىنباسارى باقتييار رامازانوۆتىڭ ايتۋىنا قاراعاندا, قازٸر اۋا رايىنىڭ سالقىنداۋىنا بايلانىستى كيٸكتٸڭ كٶشٸ-قونى اۋىستىرادى.
«قازٸر كيٸكتەر اتىراۋ وبلىسىنا قاراي باعىت الدى. سول سەبەپتەن, بٸزدەگٸ ارنايى جاساق توپتارى كٷشەيتٸلدٸ. كيٸكتٸڭ قوزعالىسىن باقىلاۋعا 225 ينسپەكتور تارتىلىپ وتىر. ولارعا 150-گە جۋىق كٶلٸك بٶلٸندٸ», - دەپ مەلٸم ەتتٸ باقتييار رامازانوۆ.
ەسكە سالا كەتەلٸك, بۇعان دەيٸن اتىراۋدا براكونەرلەردەن بٸر ايدا 300-دەن اسا كەلٸ بەكٸرە تەركٸلەنگەنٸن جازعان ەدٸك.
