اتىراۋ وبلىسىندا شەتەلدٸكتەرگە تٶلەنگەن جالاقىنىڭ مٶلشەرٸ 4,5 ەسە كٶپ بولعانى انىقتالدى, دەپ حابارلايدى "ۇلت اقپارات".
اتىراۋ وبلىستىق مەملەكەتتٸك ەڭبەك ينسپەكتسيياسى باسقارماسىنىڭ باسشىسى يگٸلٸك ەۋبەكٸروۆتٸڭ ايتۋىنشا, بىلتىر باس پروكۋراتۋرانىڭ تاپسىرماسىمەن 43 كومپانيياعا تەكسەرۋ جٷرگٸزٸلٸپ, جالاقى ايىرماشىلىعى بويىنشا 109 دەرەك انىقتالعان. سونداي-اق, شەتەلدٸك ماماندار تاراپىنان رۇقسات ەتٸلگەن مٸندەتٸن اتقارۋعا سەيكەس ەمەستٸگٸنە بايلانىستى 167 دەرەك بەلگٸلٸ بولعان.
«تەكسەرۋ نەتيجەسٸمەن 364 ەكٸمشٸلٸك ٸس تولتىرىلىپ, 96 ملن تەڭگە ايىپپۇل سالىندى. قازٸرگە دەيٸن مەملەكەت پايداسىنا 73 ملن تەڭگە ٶندٸرٸلدٸ. ايىپپۇلدىڭ قالعان بٶلٸگٸ ٶندٸرٸلۋ ٷستٸندە. بۇعان قوسا, شەتەلدٸك ماماندى شاقىرۋ ٷشٸن بەرٸلگەن 212 رۇقسات كەرٸ قايتارىلدى. وسىعان بايلانىستى 212 شەتەلدٸك قازاقستان اۋماعىنان شىعارىلدى. سونداي-اق, شەتەلدٸك مامانداردى شاقىرۋعا بەرٸلگەن 50 رۇقسات مەرزٸمٸ بٸتكەن سوڭ ۇزارتىلمايدى», - دەدٸ يگٸلٸك ەۋبەكٸروۆ.
ونىڭ مەلٸم ەتۋٸنشە, قازاقستاندىق ماماندار مەن شەتەلدٸكتەر جالاقىسىنىڭ ايىرماسى دا بايقالعان. مەسەلەن, «سارەنس» كومپانيياسىنىڭ قازاقستاندىق سۋپەرۆايزەرٸ 750 مىڭ تەڭگە جالاقى العان. ال, دەل وسىنداي جۇمىستى اتقارعان شەتەلدٸك مامانعا 3 ملن 400 مىڭ تەڭگە تٶلەنگەن. ايىرما – 4,5 ەسە. تاعى بٸر دەرەك, قازاستاندىق ينجەنەردٸڭ جالاقىسى 300 مىڭ تەڭگەنٸ قۇراسا, شەتەلدٸك ينجەنەرگە 1 ملن 300 مىڭ تەڭگە جالاقى ەسەپتەلگەن.
«زاڭدىلىقتى بۇزعان كومپانييالار ەكٸمشٸلٸك جاۋاپكەرشٸلٸككە تارتىلىپ, ايىپپۇل سالىندى. بەس كومپانييا جالاقى كٶلەمٸن بٸر دەڭگەيگە سەيكەستەندٸردٸ. قالعان كومپانييالار شەتەلدٸك ماماندار لاۋازىمىن قىسقارتتى. قازٸر بۇل كومپانييالاردا شەتەلدٸك ماماندار جۇمىس جاسامايدى», - دەدٸ اتىراۋ وبلىستىق مەملەكەتتٸك ەڭبەك ينسپەكتسيياسى باسقارماسىنىڭ باسشىسى يگٸلٸك ەۋبەكٸروۆ.
