اتىراۋ قالاسىنداعى «گاۋحارتاس» تۇرعىن ٷي كەشەنٸنەن ەكٸ كٷندە ٷش رەت ٶرت شىقتى, دەپ حابارلايدى قازاقپارات.
وبلىستىق تٶتەنشە جاعدايلار دەپارتامەنتٸنٸڭ قوعاممەن بايلانىس توبىنان مەلٸم ەتكەندەي, اتىراۋ قالاسىنداعى «سارىقامىس» شاعىن اۋدانىندا ورنالاسقان «گاۋحارتاس» تۇرعىن ٷي كەشەنٸندە ەكٸ كٷندە ٷش رەت ٶرت شىققان.
كەشە, 10 شٸلدەدە ساعات 23:00 شاماسىندا «گاۋحارتاس» تۇرعىن ٷي كەشەنٸندەگٸ پەتەردٸڭ بٸرٸندە ەلەكتر جەلٸسٸنٸڭ قىسقاشا تۇيىقتالۋىنان كٸر جۋاتىن ماشينكا ٶرتەنگەن. جالىندى تۇرعىنداردىڭ ٶزدەرٸ سٶندٸرٸپ العان.
ال, بٷگٸن, 11 شٸلدەدە ساعات 9:54-تە اتالعان تۇرعىن ٷي كەشەنٸندەگٸ №3 ٷيدٸڭ پەتەرٸنەن تٷتٸن شىعىپ جاتقانى جٶنٸندە حابار تٷسكەن. تٶتەنشە جاعدايلار دەپارتامەنتٸنٸڭ قۇتقارۋشىلارى انىقتاعانداي, ٶرتتٸڭ تۇتانۋىنا تاعى دا ەلەكتر جەلٸسٸنٸڭ قىسقاشا تۇيىقتالۋى سەبەپ بولعان. ٶرتتٸڭ سالدارىنان تۇرمىستىق زاتتار جانىپ كەتكەن.
بٷگٸن, تٷسقايتا ساعات 14:52-دە «گاۋحارتاس» تۇرعىن كەشەنٸندە تاعى بٸر ٶرت تٸركەلدٸ. جالىن وسىنداعى №3 ٷيدەگٸ پەتەردٸڭ 1 200 شارشى مەترلٸك ەكٸنشٸ قاباتى مەن شاتىرىن شارپىعان.
«دەپارتامەنتتٸڭ ٶرت سٶندٸرۋشٸلەر جالىندى ساعات 16:25-تە وقشاۋلادى. ٶرت ساعات 16:51-دە تولىق سٶندٸرٸلدٸ. تۇرعىن ٷي كەشەنٸندەگٸ ٶرت سٶندٸرۋگە تٶتەنشە جاعدايلار دەپارتامەنتٸنٸڭ 40 قىزمەتكەرٸ مەن 10 ارنايى تەحنيكاسى, پوليتسييا دەپارتامەنتٸنەن 20 قىزمەتكەر مەن 9 تەحنيكا, «امٶز», «سەمسەر-ٶرت سٶندٸرۋشٸ», «اقبەرەن» جشس-نەن 8 قىزمەتكەر مەن 3 تەحنيكا, سونداي-اق, سولتٷستٸك كاسپيي ەكولوگييالىق ەرەكەت ەتۋ بازاسىنان 4 قىزمەتكەر مەن 1 تەحنيكا تارتىلدى», -دەپ مەلٸم ەتتٸ دەپراتامەنتتٸڭ قوعاممەن بايلانىس توبىنان.
ەكٸ كٷن قاتارىنان تۇتانعان ٷش ٶرتتەن زارداپ شەككەندەر جوق. قازٸر ٶرتتٸڭ ٶزگە دە سەبەبٸ انىقتالىپ جاتىر.
