اتىراۋ وبلىسىندا سۇيىتىلعان مۇناي گازىن بٶلۋ تەرتٸبٸنە قاتىستى داۋ تۋىنداپ, وبلىستىق ەنەرگەتيكا جەنە تۇرعىن ٷي-كوممۋنالدىق شارۋاشىلىق باسقارماسىنا قاتىستى تەرگەپ-تەكسەرۋ باستالدى, دەپ حابارلايدى ult.kz.
قازاقستان رەسپۋبليكاسى بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ مەلٸمەتٸنشە, تەكسەرۋ سۇيىتىلعان مۇناي گازىن بٶلۋ جەنە جەتكٸزۋ جوسپارلارىن قالىپتاستىرۋ كەزٸندە جەرگٸلٸكتٸ اتقارۋشى ورگانداردىڭ ەرەكەتتەرٸن تالداۋ نەتيجەسٸندە قولعا الىنعان.
ۆەدومستۆو بۇعان دەيٸن باسقارماعا بەسەكەلەستٸكتٸ قورعاۋ سالاسىنداعى زاڭنامانى بۇزۋ بەلگٸلەرٸ بار ەكەنٸ جٶنٸندە حابارلاما جولداعان. الايدا بەلگٸلەنگەن مەرزٸم ٸشٸندە اتالعان تالاپتاردى ورىنداۋ بويىنشا تيٸستٸ شارالار قابىلدانباعان. وسىعان بايلانىستى زاڭناماعا سەيكەس تەرگەپ-تەكسەرۋ رەسٸمٸ باستالدى.
قازٸرگٸ ۋاقىتتا ماماندار قۇقىق بۇزۋشىلىق بەلگٸلەرٸنٸڭ بار-جوعىن انىقتاۋ ٷشٸن ماتەريالداردى جيناپ, تالداۋ جٷرگٸزٸپ جاتىر. اتاپ ايتقاندا:
– نارىقتىڭ جەكەلەگەن قاتىسۋشىلارىنا ارتىقشىلىقتار مەن جەڭٸلدٸكتەر بەرۋ;
– كەيبٸر سۋبەكتٸلەر ٷشٸن باسىم جاعداي جاساۋ;
– بەسەكەلەستەرگە قاتىستى كەمسٸتۋشٸلٸك جاعدايلار قالىپتاستىرۋ فاكتٸلەرٸ تەكسەرٸلۋدە.
«تەرگەپ-تەكسەرۋ قازاقستان رەسپۋبليكاسى كەسٸپكەرلٸك كودەكسٸنٸڭ 194-بابى 2-تارماعىنىڭ 9-تارماقشاسىنا سەيكەس جٷرگٸزٸلۋدە. قورىتىندىسىنا قاراي قولدانىستاعى زاڭناما اياسىندا تيٸستٸ شارالار قابىلدانادى», – دەپ حابارلادى اگەنتتٸك.
