اتىراۋ وبلىسىندا اناسى 13 جاسار قىزىنىڭ تۇرمىسقا شىعۋىنا كەلٸسٸمٸن بەرگەن, دەپ حابارلايدى "ۇلت اقپارات".
بۇل تۋرالى بۇعان دەيٸن ەلەۋمەتتٸك جەلٸدە اقپارات تارادى. وندا 13 جاسار قىزدىڭ قىزىلقوعا اۋدانىنداعى مييالى اۋىلىنىڭ 2002 جىلعى تۇرعىنىنا تۇرمىسقا شىققانى ايتىلعان.
«اتىراۋ قالاسىندا تۇراتىن كەمەلەتكە تولماعان قىز بىلتىرعى جەلتوقساننان بەرٸ قىزىلقوعا اۋدانىنىڭ جٸگٸتٸمەن كەزدەسە باستاعان. ارادا بٸرنەشە اي ٶتكەندە وتباسىن قۇرۋ جٶنٸندە شەشٸم قابىلداعان. قىزدىڭ اناسى كەلٸسٸمن بەرگەن. قىزىلقوعا اۋداندىق يۋۆەنالدى پوليتسييا بٶلٸمٸنٸڭ قىزمەتكەرلەرٸ كەمەلەتكە تولماعان قىزدىڭ اناسىن شاقىرىپ, جاسٶسپٸرٸمدٸ دەرٸگەرلٸك تەكسەرۋدەن ٶتكٸزدٸ. اۋداندىق اۋرۋحانا دەرٸگەرلەرٸ 13 جاسار قىزدىڭ جىنىستىق قاتىناسقا تٷسپەگەنٸن, دەنەسٸندە جاراقات جوعىن انىقتادى. جاس جۇپپەن, ولاردىڭ اتا-اناسىمەن تٷسٸندٸرۋ جۇمىسى جٷرگٸزٸلٸپ, كەمەلەتكە تولماعاندارمەن جىنىستىق قاتىناسقا تٷسۋ قر قىلمىستىق كودەكسٸنٸڭ 122-بابىمەن قىلمىستىق جاۋاپكەرشٸلٸككە تارتىلاتىنى تۋرالى ەسكەرتۋ جاسالدى» دەپ حابارلادى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
قازٸر 13 جاسار قىز ٷيٸنە ورالدى. ەندٸ ول وقۋىن جالعاستىرادى.
