© Sputnik / دميتريي استاحوۆ /
اتىراۋ ەكٸمدٸگٸنٸڭ قىزمەتكەرلەرٸ كەسٸپكەردٸڭ جەر تەلٸمٸن كەڭەيتۋدەن باس تارتقان, دەپ حابارلايدى قازاقپارات.
سىبايلاس جەمقورلىققا قارسى ٸس-قيمىل اگەنتتٸگٸ اتىراۋ وبلىسى بويىنشا دەپارتامەنتٸنٸڭ باسپاسٶز قىزمەتٸنەن مەلٸم ەتكەندەي, كەسٸپكەردٸڭ جەر ۋچاسكەسٸن كەڭەيتۋدەن باس تارتقان اتىراۋ قالاسى ەكٸمدٸگٸنٸڭ لاۋازىمدى تۇلعالارى تەرتٸپتٸك جاۋاپكەرشٸلٸككە تارتىلعان.
«شەشٸم جەر كوميسسيياسىنىڭ حاتتاماسى نەگٸزٸندە ٶتٸنٸشتٸ قاراۋ مەرزٸمدەرٸن بۇزا وتىرىپ, باس تارتۋ تۋرالى قاۋلى شىعارماي قابىلدانعان. وسىعان بايلانىستى كەسٸپكەر مەملەكەتتٸك ورگاننىڭ شەشٸمٸنە شاعىمداندى. دەپارتامەنت قىزمەتكەرلەرٸ كەسٸپكەردٸڭ دەلەلدەرٸن تەكسەرٸپ, كٶرسەتٸلگەن فاكتٸلەردٸ راستادى. قازٸر جەرگٸلٸكتٸ اتقارۋشى ورگان جەر تەلٸمٸن كەسٸپكەرگە بەرۋ بويىنشا مەسەلەنٸ قاراستىرىپ جاتىر. كٸنەلٸ تۇلعالار تەرتٸپتٸك جاۋاپكەرشٸلٸككە تارتىلدى», -دەپ حابارلادى دەپارتامەنتتٸڭ باسپاسٶز قىزمەتٸ.
سونداي-اق, جىلىوي اۋدانىندا كەسٸپكەرلەرگە جەر ۋچاسكەلەرٸن بٶلۋ, بيزنەس نىساندارىنا ينفراقۇرىلىم جەتكٸزۋ جٶنٸندەگٸ مەسەلەلەرگە سىرتقى تالداۋ جٷرگٸزٸلگەن.
«جىلىوي اۋداندىق جەر كوميسسيياسى 2020-2022 جىلدارى 27 كەسٸپكەردٸڭ اۋىل شارۋاشىلىعى ماقساتىنداعى جەر ۋچاسكەسٸنٸڭ نىسانالى ماقساتىن ٶزگەرتكەن. زاڭ تالاپتارىنا سەيكەس كوميسسييامەن نىسانالى ماقساتىن ٶزگەرتۋ كٶزدەلمەگەن. مەسەلەن, جىلىوي اۋدانى ەكٸمدٸگٸنٸڭ قاۋلىسىمەن كەسٸپكەرگە بۇرىن پايدالانۋدا بولعان جەر ۋچاسكەسٸنە قوسىمشا 8,0 گەكتار زاڭسىز بەرٸلگەن. قوسىمشا بەرٸلگەن جەر ۋچاسكەسٸ نەگٸزگٸ جەر ۋچاسكەسٸنەن 500 ەسە ارتىق. كەسٸپكەرگە بەرٸلگەن جەر ۋچاسكەسٸ بٸرنەشە بٶلٸككە بٶلٸنگەن. بۇل زاڭعا قايشى, ەرٸ سىبايلاس جەمقورلىق تەۋەكەلدەرٸنٸڭ بار ەكەنٸن كٶرسەتەدٸ. جىلىوي اۋدانىنداعى جەرگٸلٸكتٸ اتقارۋشى ورگاندارىنىڭ لاۋازىمدى تۇلعالارى «تەڭٸز» ۆاحتا كەنتٸندەگٸ جەر ۋچاسكەلەرٸن اۋكتسيون ارقىلى ساۋدا-ساتتىققا قويماي, كەسٸپكەرلەر ٷشٸن جاساندى ەكٸمشٸلٸك كەدەرگٸلەر جاساعانى انىقتالدى», - دەيدٸ دەپارتامەنت باسشىسىنىڭ بٸرٸنشٸ ورىنباسارى نۇرلان جاحين.
