اتىراۋدا 4-قاباتتان قۇلاعان ەر ادام قۇتقارىلدى, دەپ حابارلايدى قازاقپارات.
وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ اقپاراتىنا قاراعاندا, وقىس وقيعا بٷگٸن, 13 قاڭتاردا ساعات 00:58-دە بولعان.
«دەپارتامەنتتٸڭ ديسپەتچەرلٸك پۋلتٸنە اتىراۋ قالاسىنداعى م.بايمۇحانوۆ كٶشەسٸندەگٸ تۇرعىن ٷيدٸڭ 4-قاباتىنان ەر ادامنىڭ قۇلاعانى تۋرالى حابار تٷستٸ. وقيعا ورنىندا 1994 جىلعى جٸگٸتتٸڭ 4-قاباتتاعى كٸرەبەرٸس تەرەزەسٸنەن سەكٸرٸپ, 2-قاباتتاعى كٷنقاعارىنا ٸلٸنٸپ قالعانىن انىقتادى. قۇتقارۋشىلار ٸلٸنٸپ تۇرعان جٸگٸتتٸ قۇتقارىپ, جەدەل مەديتسينالىق كٶمەك دەرٸگەرلەرٸنە تاپسىردى», - دەپ حابارلادى دەپارتامەنتتٸڭ باسپاسٶز قىزمەتٸ.
اۆارييالىق-قۇتقارۋ جۇمىسىنا جەدەل-قۇتقارۋ جاساعىنىڭ 4 قىزمەتكەرٸ مەن 1 تەحنيكاسى جۇمىلدىرىلعان.
