اتىراۋ قالاسىنداعى جاعىمسىز يٸس پروبلەماسى قالاي شەشٸلەدٸ? بۇل سۇراققا ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ جاۋاپ بەردٸ, دەپ حابارلايدى "ۇلت اقپارات".
«شىنىندا دا, مۇنداي فاكتٸلەر بولدى. مۇنداي جاعداي شٸلدە ايىندا باستالدى. بٸز قورشاعان ورتانىڭ ساپاسىن كٷندەلٸكتٸ قاداعالاپ وتىرامىز. ەكٸ فاكت بار. بٸرٸنشٸدەن, بۇل قالانىڭ سولتٷستٸك بٶلٸگٸندە ورنالاسقان قاتتى قالدىقتار پوليگونىنداعى پروبلەما. ەكٸنشٸسٸ - «تۋحلايا بالكا» بۋلانۋ الاڭى», - دەدٸ ماعزۇم ميرزاعاليەۆ.
ەكولوگييا مينيسترلٸگٸنٸڭ باسشىسى بۇل مەسەلەنٸڭ شەشٸمٸ - جاڭا پوليگون سالۋ ەكەنٸن اتاپ ٶتتٸ.
«ەكٸمدٸك جاڭا پوليگونعا 50 گەكتار جەر بٶلٸپ بەردٸ, جوبالىق-سمەتالىق قۇجاتتاما جاسالدى. جاقىندا ەكٸمدٸك بارلىق سانيتارلىق تالاپتارعا ساي زاماناۋي پوليگون سالۋدى باستار دەگەن سەنٸمدەمٸز. ەكٸنشٸ مەسەلە - سول «تۋحلايا بالكا». ٶزٸم سوندا باردىم. مەسەلە بارلىق اعىندى سۋلاردىڭ سول جاققا تازارتۋسىز نەمەسە جەتكٸلٸكسٸز تازالانۋىمەن تٶگٸلۋٸندە. وسىعان بايلانىستى بٸز ەكٸمدٸكپەن بٸرلەسٸپ جۇمىس جٷرگٸزدٸك. اتىراۋ قالاسىنىڭ سول جاعالاۋىندا كەرٸزدٸ تازارتاتىن جاڭا قۇرىلىستار سالىناتىن ۋچاسكە انىقتالدى. ونىڭ 2020 جىلدىڭ سوڭىندا پايدالانۋعا بەرٸلەتٸنٸ كٷتٸلۋدە. وسىلايشا اتىراۋ قالاسىندا زامانعا ساي كەرٸزدٸ تازارتۋ قوندىرعى مەسەلەسٸ شەشٸلەتٸن بولادى. سونىمەن قاتار, كەلەسٸ جىلدان باستاپ جەرگٸلٸكتٸ اتقارۋشى ورگان - ەكٸمدٸك پەن اتىراۋ مۇناي ٶڭدەۋ زاۋىتى تۋحلايا بالكا بۋلانۋ الاڭدارىن قالپىنا كەلتٸرۋ جۇمىستارىن باستايدى دەپ كٷتۋدەمٸز», - دەپ تٷيٸندەدٸ ماعزۇم ميرزاعاليەۆ.
