اتىراۋ وبلىسىنىڭ دەرٸحانالارىندا دەرٸ-دەرمەكتٸڭ شەكتٸ باعاسى كٶرسەتٸلگەن اقپارات قاعازدارى ٸلٸندٸ, دەپ حابارلايدى "ۇلت اقپارات".
اتىراۋ وبلىسىنىڭ سىبايلاس جەمقورلىققا قارسى قىزمەتٸ دەرٸ-دەرمەكتەردٸڭ باعاسىنىڭ نەگٸزسٸز ٶسۋٸنە جول بەرمەۋ ٷشٸن ارنايى افيشالاردى ورنالاستىرا باستادى. دەرٸلٸك زاتتار مەن مەديتسينالىق بۇيىمداردىڭ شەكتٸ بٶلشەك باعالارى كٶرسەتٸلگەن اقپاراتتىق ماتەريالدار ٶڭٸردەگٸ بارلىق دەرٸحاناعا تاراتىلىپ جاتىر.
«پلاكاتتاردا پاراتسەتامول, اتسەتيلساليتسيل قىشقىلى, ينگاۆيرين, انتيگريپپين, اسپيرين كارديو سىندى پرەپاراتتاردىڭ 5 تٷرٸ كٶرسەتٸلگەن. دەرٸ-دەرمەكتەر اتاۋلارىنىڭ جانىندا باعالارى مەن ٶندٸرۋشٸ كٶرسەتٸلگەن. سونداي-اق, دەنساۋلىق ساقتاۋ مينيسترٸ بەكٸتكەن دەرٸ-دەرمەكتەردٸڭ جاڭارتىلعان تولىق تٸزبەسٸنە سٸلتەمە جاساي وتىرىپ, QR-كود ورنالاستىرىلعان. ٶيتكەنٸ, دەرٸحاناداعى بەلگٸلٸ بٸر پرەپاراتتىڭ شەكتٸ باعاسىن بٸلۋ ٷشٸن پلاكاتتاردا كٶرسەتٸلگەن QR-كودتى ەنگٸزۋ جەتكٸلٸكتٸ بولادى. سونداي-اق, دەپارتامەنت كٷن سايىن «اتىراۋ – ادالدىق الاڭى» جوبالىق كەڭسەسٸمەن بٸرلەسٸپ, ۆيرۋسقا قارسى دەرٸ-دەرمەكتەردٸڭ باعاسىنا قوعامدىق مونيتورينگ جٷرگٸزۋدە» - دەپ حابارلادى وبلىستىڭ سىبايلاس جەمقورلىققا قارسى قىزمەتٸ باسشىسىنىڭ بٸرٸنشٸ ورىنباسارى ا.مامىت.
سونداي-اق اقپارات پاراقشالارىندا باعا نەگٸزسٸز كٶتەرٸلگەن جاعدايدا شاعىمدانۋعا بولاتىن تەلەفون نٶمٸرلەرٸ كٶرسەتٸلگەن.
سىبايلاس جەمقورلىققا قارسى قىزمەت ٶكٸلدەرٸنٸڭ ايتۋىنشا, وبلىستا اقپاراتتىق بەتشەلەردٸ ورنالاستىرۋ ٶتكەن اپتادان باستالعان.
ەسكە سالا كەتەلٸك, اتىراۋ وبلىسىندا شەكتەۋ شارالارى 31 تامىزعا دەيٸن ۇزارتىلدى.
