Atyraý oblysynyń dárihanalarynda dári-dármektiń shekti baǵasy kórsetilgen aqparat qaǵazdary ilindi, dep habarlaidy "Ult aqparat".
Atyraý oblysynyń Sybailas jemqorlyqqa qarsy qyzmeti dári-dármekterdiń baǵasynyń negizsiz ósýine jol bermeý úshin arnaiy afishalardy ornalastyra bastady. Dárilik zattar men meditsinalyq buiymdardyń shekti bólshek baǵalary kórsetilgen aqparattyq materialdar óńirdegi barlyq dárihanaǵa taratylyp jatyr.
«Plakattarda paratsetamol, atsetilsalitsil qyshqyly, ingavirin, antigrippin, aspirin kardio syndy preparattardyń 5 túri kórsetilgen. Dári-dármekter ataýlarynyń janynda baǵalary men óndirýshi kórsetilgen. Sondai-aq, Densaýlyq saqtaý ministri bekitken dári-dármekterdiń jańartylǵan tolyq tizbesine silteme jasai otyryp, QR-kod ornalastyrylǵan. Óitkeni, dárihanadaǵy belgili bir preparattyń shekti baǵasyn bilý úshin plakattarda kórsetilgen QR-kodty engizý jetkilikti bolady. Sondai-aq, departament kún saiyn «Atyraý – adaldyq alańy» jobalyq keńsesimen birlesip, virýsqa qarsy dári-dármekterdiń baǵasyna qoǵamdyq monitoring júrgizýde» - dep habarlady oblystyń sybailas jemqorlyqqa qarsy qyzmeti basshysynyń birinshi orynbasary A.Mamyt.
Sondai-aq aqparat paraqshalarynda baǵa negizsiz kóterilgen jaǵdaida shaǵymdanýǵa bolatyn telefon nómirleri kórsetilgen.
Sybailas jemqorlyqqa qarsy qyzmet ókilderiniń aitýynsha, oblysta aqparattyq betshelerdi ornalastyrý ótken aptadan bastalǵan.
Eske sala ketelik, Atyraý oblysynda shekteý sharalary 31 tamyzǵa deiin uzartyldy.
