اتىراۋ مۇناي ٶڭدەۋ زاۋىتى جايىق سۋىنىڭ ورنىنا كەرٸز تازارتۋ عيماراتىنان شىققان سۋدىڭ ٶڭدەپ پايدالانۋى مٷمكٸن. بۇل تۋرالى وبلىس ەكٸمٸ ماحامبەت دوسمۇحامبەتوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە ايتتى, دەپ حابارلايدى قازاقپارات.
«اتىراۋ مۇناي ٶڭدەۋ زاۋىتى تەحنولوگييالىق پروتسەسكە جايىقتىڭ سۋىن پايدالانادى. باعانا ايتىپ كەتتٸم. بٸز زاۋىتپەن تيٸستٸ جۇمىستاردى جٷرگٸزٸپ جاتىرمىز. ولار كەرٸز تازارتۋ عيماراتىنان شىققان سۋدى تازارتىپ پايدالانۋ جوباسىن قولعا الىپ جاتىر. زاۋىت ٷلكەن, بٸرنەشە پروتسەسٸ بار. ولار كەز كەلگەن سۋدى پايدالانبايدى. ٶزدەرٸنٸڭ تالاپتارى بار. قازٸر سۋدىڭ ساپاسىن سول تالاپتارعا سەيكەستەندٸرٸپ, ٷيلەسٸمدٸ بولسا, زاۋىتقا پايدالانۋعا بولادى دەگەن ٶزارا الدىن الا تٷسٸنٸستٸك بار. ونىڭ بەرٸ سەيكەس بولعاندا جۇمىستى ۇيىمداستىرامىز دەپ وتىرمىز», - دەدٸ ايماق باسشىسى.
اتالعان شارادا ماحامبەت دوسمۇحامبەتوۆ تەۋەلسٸزدٸك جىلدارى اتىراۋ وبلىسىنا 31 ترلن تەڭگە ينۆەستيتسييا تارتىلعانىن اتادى.
تەۋەلسٸزدٸك جىلدارى وبلىستا 2 200 شاقىرىمنان استام اۆتوموبيل جولى سالىنىپ, جٶندەلدٸ. وبلىس تۇرعىندارىنىڭ تابيعي گازبەن قامتاماسىز ەتٸلۋٸ 12%-دان 99,7%-عا دەيٸن, ورتالىقتاندىرىلعان سۋمەن جابدىقتاۋ 35%-دان 99,3%-عا دەيٸن ٶستٸ.
وسى كەزەڭدە وبلىس حالقىنىڭ سانى بٸر جارىم ەسە ارتىپ, تاياۋداعى ساناقتىڭ قورىتىندىسى بويىنشا 665 مىڭ ادامعا جەتتٸ», - دەدٸ ەكٸم.
