اتىراۋ وبلىسىندا جٷك پويىزى مەن جەڭٸل كٶلٸك سوقتىعىستى. وقيعا ورنىندا بٸر ادام مەرت بولدى, دەپ حابارلايدى قازاقپارات.
وبلىستىق تٶتەنشە جاعدايلار دەپارتامەنتٸ قوعاممەن بايلانىس توبىنىڭ مەلٸمەتٸنشە, قايعىلى وقيعا بٷگٸن, 13 شٸلدەدە بولعان.
بۇل تۋرالى اتىراۋ وبلىسىنىڭ ماقات اۋدانىنداعى №8 ٶرت سٶندٸرۋ بٶلٸمٸنٸڭ بايلانىس بەكەتٸنە جەرگٸلٸكتٸ ۋاقىتپەن ساعات 11:45-تە حابار تٷسكەن.
ماقات كەنتٸنەن 20 شاقىرىم قاشىقتىقتا تەمٸر جول ٶتكەلٸنەن ٶتپەك بولعان «Lada Granta» جەڭٸل اۆتوكٶلٸگٸ جٷك پويىزىنىڭ تەپلوۆوزىنا سوقتىعىسىپ قالعان.
«سوقتىعىسۋدىڭ سالدارىنان جەڭٸل كٶلٸكتٸڭ 1999 جىلعى جٷرگٸزۋشٸسٸنٸڭ جاراقات العانى انىقتالدى. ال كٶلٸكتە بولعان 54 جاستاعى جولاۋشى وقيعا ورنىندا كٶز جۇمدى», - دەپ حابارلادى دەپارتامەنتتٸڭ قوعاممەن بايلانىس توبىنان.
تٶتەنشە جاعدايلار دەپارتامەنتٸنٸڭ قىزمەتكەرلەرٸ «حولماترو» ارنايى قۇرالى ارقىلى مەرت بولعان ادامنىڭ دەنەسٸن شىعارۋ جۇمىستارىن جٷرگٸزدٸ.
جٷك پويىزىنىڭ تٸركەمەسٸندە قۇرىلىس ماتەريالدارى تيەلگەن 66 جٷك ۆاگونى بولعان.
