اتىراۋ وبلىسىندا جٷك پويىزى 16 قوي مەن 4 ەشكٸنٸ باسىپ كەتتٸ, دەپ حابارلايدى قازاقپارات.
كٶلٸكتەگٸ پوليتسييا دەپارتامەنتٸنٸڭ باسپاسٶز قىزمەتٸ تاراتقان اقپاراتقا قاراعاندا, وقىس وقيعا كەشە, 8 جەلتوقساندا بولعان.
«جٷك پويىزىنىڭ ماشينيسٸ «قيعاش-اتىراۋ» ۋچاسكەسٸندەگٸ №15 رازەزدە تەمٸر جول ٷستٸندە جٷرگەن قوي-ەشكٸلەردٸ بايقاپ, شۇعىل تەجەۋ ەدٸسٸن قولداندى. بٸراق, وقىس وقيعانىڭ الدىن الۋ مٷمكٸن بولمادى. پويىز 16 قوي مەن 4 ەشكٸنٸ باسىپ كەتتٸ. جٷك پويىزى وسىنىڭ سالدارىنان 12 مينۋت مەجبٷرلٸ تٷردە توقتاپ تۇردى. وقيعا ورنىنا اتىراۋ ستانساسىنداعى جەلٸلٸك پوليتسييا بٶلٸمٸنٸڭ جەدەل-تەرگەۋ توبى كەلٸپ, مەن-جايدى انىقتادى», - دەيدٸ دەپارتامەنت باستىعىنىڭ بٸرٸنشٸ ورىنباسارى قاليجان قوبلاندين.
ونىڭ ايتۋىنشا, پويىز استىنا تٷسكەن مالدىڭ يەسٸ يساتاي اۋدانىنداعى اققىستاۋ اۋىلىنىڭ تۇرعىنى بولىپ شىققان. مال يەسٸنە قر ەكٸمشٸلٸك قۇقىقبۇزۋشىلىق تۋرالى كودەكسٸنٸڭ 559-بابىنىڭ 1-بٶلٸگٸمەن ايىپپۇل سالىنعان.
