اتىراۋ وبلىسىندا ورنالاسقان "تەڭٸز" مۇناي كەن ورنىنىڭ قىزمەتكەرلەرٸ دە نارازىلىققا شىقتى, دەپ حابارلايدى Sputnik قازاقستان.
مۇنايشىلاردىڭ ماڭعىستاۋلىقتاردى قولداپ نارازىلىققا شىققان سەتٸنٸڭ ۆيدەوسى ەلەۋمەتتٸك جەلٸدە جارييالاندى.
ەلەۋمەتتٸك جەلٸلەردەگٸ ۆيدەودان مۇناي-گاز ٶندٸرەتٸن كومپانييا اۋماعىندا جٷزدەگەن ەر ادامنىڭ ارنايى جۇمىس كيٸمٸندە بٸر باعىتقا قاراي قوزعالىپ بارا جاتقانىن كٶرۋگە بولادى.
"تەڭٸز – ەرەۋٸل. ماڭعىستاۋدى قولدايمىز!", دەپ ۇرانداتىپ جاتىر نارازىلىق بٸلدٸرۋشٸلەر. سونداي-اق ولار قازاقستاننىڭ مەملەكەتتٸك ەنۇرانىن حورمەن ورىنداپ جاتىر.
اتىراۋ وبلىسى پوليتسييا دەپارتامەنتٸ ەرەۋٸل تۋرالى اقپاراتتى راستامادى, بٸراق جوققا دا شىعارمادى. وقيعاعا بايلانىستى كەيٸنٸرەك تٷسٸنٸكتەمە بەرۋگە ۋەدە بەردٸ.
سودان كەيٸن Sputnik قازاقستان وقيعاعا بايلانىستى "تەڭٸزشەۆرويل" مۇناي ٶندٸرەتٸن كومپانييانىڭ باسپاسٶز قىزمەتٸمەن بايلانىسقا شىقتى, كومپانييا ٶكٸلدەرٸ جاقىن ارادا تٷسٸنٸكتەمە بەرەتٸنٸن جەتكٸزدٸ.
ماڭعىستاۋداعى نارازىلىق
بۇعان دەيٸن سۇيىتىلعان گاز باعاسىنىڭ كٷرت كٶتەرٸلۋٸنە نارازى ماڭعىستاۋ وبلىسىنىڭ تۇرعىندارى بٸرقاتار ەلدٸ مەكەندەردە, سونىڭ ٸشٸندە جاڭاٶزەن مەن اقتاۋدا نارازىلىققا شىقتى.
وعان اۆتوكٶلٸككە جانارماي قۇيۋ ٷشٸن گازدىڭ قۇنى ەكٸ ەسەگە – ليترٸنە 120 تەڭگەگە دەيٸن ٶسكەنٸ سەبەپ بولعان. تۇرعىندار باعانى 60 تەڭگەگە دەيٸن تٶمەندەتۋدٸ تالاپ ەتتٸ.
قازاقستاننىڭ ەنەرگەتيكا مينيسترلٸگٸ گاز باعاسىن ەندٸ سۇرانىس پەن ۇسىنىسقا سەيكەس نارىقتىڭ ٶزٸ قالىپتاستىراتىنىن تٷسٸندٸردٸ. ەكٸمدٸك گاز باعاسىن رەتتەۋگە ارالاسپايدى, ٶيتكەنٸ بۇل بەسەكەلەستٸك تۋدىراتىن تاۋار سانالادى. جەكە كەسٸپكەرلەر تاراپىنان باعانى نەگٸزسٸز كٶتەرۋ فاكتٸلەرٸ تۋىنداعان جاعدايدا, بەسەكەلەستٸكتٸ قورعاۋ اگەنتتٸگٸنٸڭ دەپارتامەنتٸ ەكٸمشٸلٸك شارالار قابىلدايدى.
2-3 قاڭتارعا قاراعان تٷنٸ پرەزيدەنت قاسىم-جومارت توقاەۆ Twitter-دە ٷكٸمەتكە جاڭاٶزەندەگٸ جاعدايدى شۇعىل تٷردە قاراستىرۋدى تاپسىرعانىن جازدى. 4 قاڭتاردا قۇرامىندا پرەزيدەنت ەكٸمشٸلٸگٸنٸڭ قىزمەتكەرلەرٸ بار ٷكٸمەتتٸك كوميسسييا اقتاۋدا جۇمىسقا كٸرٸسكەنٸن حابارلادى.
رەسپۋبليكالىق وپەراتيۆتٸك شتاب تۇراقتى نەگٸزدە جۇمىس ٸستەپ جاتىر. كوميسسيياعا ەلٸمٸزدەگٸ تۇراقتىلىقتى ساقتاي وتىرىپ, تۋىنداعان مەسەلە بويىنشا ٶزارا تيٸمدٸ شەشٸم شىعارۋ جٷكتەلدٸ, دەدٸ پرەزيدەنت.
