اتىراۋ وبلىسىنداعى يندەر اۋداندىق اۋرۋحاناسىندا وتتەگٸ ستانساسى ٸسكە قوسىلدى, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, قازٸر ٶڭٸردەگٸ 7 اۋرۋحانادا ورتالىقتاندىرىلعان وتتەگٸ ستانساسى جۇمىس ٸستەپ تۇر. ونىڭ ەكەۋٸ قۇرمانعازى مەن قىزىلقوعا اۋدانىندا ٸسكە قوسىلعان. سونداي-اق, اتىراۋ قالاسىنداعى وبلىستىق پەريناتالدىق جەنە كارديولوگييالىق ورتالىقتاردا, وبلىستىق اۋرۋحانا مەن №2 ينفەكتسييالىق, سونداي-اق, بىلتىر اشىلعان مودۋلدٸ ينفەكتسييالىق اۋرۋحانالاردا دا وتتەگٸ ستانساسى بار.
«ٶڭٸردەگٸ 8-شٸ وتتەگٸ ستانساسى يندەر اۋداندىق اۋرۋحاناسىندا ٸسكە قوسىلدى. ەندٸ جىلىوي اۋدانىنىڭ ورتالىعى – قۇلسارى قالاسىندا سالىنىپ جاتقان مودۋلدٸ ينفەكتسييالىق اۋرۋحاناعا دا وتتەگٸ ستانساسىن ورناتۋ جوسپارلانىپ وتىر», -دەپ حابارلادى باسقارمانىڭ باسپاسٶز قىزمەتٸ.
