4 تامىز كٷنٸ تەجٸكستان رەسپۋبليكاسى قورعانىسقا جەردەمدەسۋ قوعامدىق ۇيىمىنىڭ «ان-2» وقۋ-جاتتىعۋ ۇشاعى قۇلادى. سالدارىنان بٸر ادام اجال قۇشىپ, تاعى بٸرەۋٸ اۋرۋحاناعا جەتكٸزٸلدٸ. بۇل تۋرالى قوعامدىق ۇيىمنىڭ باسپاسٶز ورتالىعىنا سٸلتەمە جاساپ حوۆار اگەنتتٸگٸ حابارلادى.
1978 جىلى شىعارىلعان ۇشاق تەجٸكستان قورعانىس مينيسترلٸگٸنٸڭ «فاحراباد» وقۋ-جاتتىعۋ پوليگونىندا جوسپارلى ۇشۋلاردى ورىنداۋ كەزٸندە تەحنيكالىق سەبەپتەرگە بايلانىستى اپاتقا ۇشىراعان.
68 جاستاعى ۇشقىش حوراسان اۋداندىق اۋرۋحاناسىنا جەتەر-جەتپەس جولدا كٶز جۇمعان. 28 جاستاعى ەكٸنشٸ پيلوت سول اۋرۋحانادا جاتىر.
قازٸر اتالمىش ەلدٸڭ مەملەكەتتٸك ۇلتتىق قاۋٸپسٸزدٸك كوميتەتٸ اپاتقا قاتىستى قىلمىستىق ٸس قوزعادى. تەرگەۋ امالدارى جٷرٸپ جاتىر.
