اتىراۋ وبلىسىندا جىل باسىنان بەرٸ كوروناۆيرۋس ينفەكتسيياسىنان 233 ادام قايتىس بولعان, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى قايسار ابداليەۆتٸڭ ايتۋىنشا, اتىراۋدا كٷردەلٸ ەپيدەمييالىق احۋال قالىپتاسىپ وتىر.
«سوڭعى 7 تەۋلٸكتە كوروناۆيرۋس ينفەكتسيياسىن جۇقتىرعاندار سانى 30%-عا ارتتى. مەسەلەن, 16 شٸلدەدە 342, 22 شٸلدەدە 489 ادام كوروناۆيرۋس ينفەكتسيياسىن جۇقتىردى. وسىعان بايلانىستى 414 رەزەرۆتٸك تٶسەك-ورىننىڭ 99%-ى ناۋقاستارعا تولدى», - دەيدٸ قايسار ابداليەۆ.
ونىڭ مەلٸمەتٸنشە, بىلتىر كوروناۆيرۋس ينفەكتسيياسىنان 110 ادام قايتىس بولعان. ال, بيىلعى قاڭتاردان بەرٸ قايتىس بولعاندار ادامداردىڭ سانى 233-كە جەتكەن.
«اتىراۋ وبلىسىندا 67 ناۋقاس جانساقتاۋ بٶلٸمٸندە ەمدەلۋدە. ونىڭ ٸشٸندە 54 ادامنىڭ جاعدايى اۋىر, 13 ناۋقاس ٶتە اۋىر حالدە جاتىر. ناۋقاستاردىڭ اراسىندا 11 پاتسيەنت ٶكپەنٸ جاساندى جەلدەتۋ اپپاراتىنا قوسىلعان», - دەپ مەلٸم ەتتٸ قايسار ابداليەۆ.
