اتىراۋ وبلىسى ەكٸمٸنٸڭ ورىنباسارى باقىتگٷل حامەنوۆا پارا الدى دەگەن كٷدٸككە ٸلٸندٸ, دەپ حابارلادى "ۇلت اقپارات" "اق جايىق" پورتالىنا سٸلتەمە جاساپ.
باسىلىمنىڭ مەلٸمەتٸنشە, بٷگٸن, 10 جەلتوقساندا اتىراۋ وبلىسى ەكٸمٸنٸڭ ورىنباسارى باقىتگٷل حامەنوۆا مەن وبلىستىق مەدەنيەت باسقارماسىنىڭ باسشىسى اقىلبەك رىسقاليەۆ 4 ملن 500 مىڭ تەڭگە كٶلەمٸندە پارا الدى دەگەن كٷدٸكپەن ۇستالدى.
"ولاردى نۇر-سۇلتان قالاسىنان اتىراۋعا ارنايى كەلگەن جەمقورلىققا قارسى ٸس-قيمىل اگەنتتٸگٸنٸڭ توبى ۇستادى. الدىن الا مەلٸمەت بويىنشا, پارا تەندەرگە قاتىستى الىنعان", - دەپ جازدى باسىلىم.
كەيبٸر دەرەككٶز بويىنشا بۇل – اباي ەسكەرتكٸشٸن ورناتۋ بويىنشا 150 ميلليون تەڭگەنٸڭ تەندەرٸ ٷشٸن بەرٸلگەن پارا. بۇل 15 ميلليون تەڭگەنٸڭ (10%) بٸرٸنشٸ ترانشى بولعان.
سونداي-اق, جەلٸدەگٸ پاراقشالاردىڭ بٸرٸندە باقىتگٷل حامەنوۆانىڭ كابينەتٸنٸڭ مٶرلەنگەن ەسٸگٸنٸڭ سۋرەتٸ جارييالاندى.
ايتا كەتەيٸك, بۇعان دەيٸن اتىراۋ وبلىسى ەكٸمٸنٸڭ ورىنباسارى قايرات نۇرلىباەۆ بيۋدجەت قاراجاتىن ىسىراپ ەتتٸ دەگەن كٷدٸككە ٸلٸنگەن بولاتىن.
قايرات نۇرلىباەۆ بيۋدجەت قاراجاتىن ىسىراپ ەتۋ فاكتٸسٸ بويىنشا كٷدٸكتٸ دەپ تانىلدى. ول "بۇيىرعىن" اۋىل شارۋاشىلىعى ٶندٸرٸستٸك كووپەراتيۆٸنە 83,7 ميلليون تەڭگە كٶلەمٸندە ينۆەستيتسييالىق سۋبسيدييانى زاڭسىز تٶلەگەن.
