اتىراۋ وبلىسىندا پەريناتالدى ورتالىعىنىڭ باسشىسى مەن دەرٸگەرٸ جاڭا تۋعان نەرەستەنٸ توڭازىتقىش كامەراسىنا سالىپ ٶلتٸردٸ دەگەن كٷدٸككە ٸلٸنگەن. بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ ورىنباسارى شىڭعىس قابدوللا مەلٸم ەتتٸ, دەپ حابارلايدى قازاقپارات.
«گيپپوكراتتىڭ انتىنا ادال بولۋدى ۋەدە ەتكەن دەنساۋلىق ساقتاۋ سالاسىنىڭ قىزمەتكەرلەرٸ جاڭا تۋعان نەرەستەنٸ توڭازىتقىش كامەراعا سالىپ ٶلتٸردٸ دەگەن كٷدٸككە ٸلٸندٸ. تەكسەرۋ نەتيجەسٸندە انىقتالعانىنداي, جاڭا تۋعان بالا قاتەلٸكتٸڭ سالدارىنان قۇجات بويىنشا ٶلٸ تۋعانداردىڭ قاتارىنا ەنگٸزٸلٸپ كەتكەن. شىنتۋايتىندا ول تٸرٸ بولعان. بالانىڭ تٸرٸ ەكەنٸن بٸلگەننەن كەيٸن دەرٸگەرلەر وڭالتۋ امالدارى بويىنشا شۇعىل شارالاردى قابىلداۋدىڭ ورنىنا رەسٸمدەلگەن قۇجات بويىنشا, سەبيدٸ شەتٸنەپ كەتكەنشە سول جەردە قالدىرعان. دەرٸگەردٸڭ ەرەكەتٸنٸڭ بٸر سەبەبٸ – تولتىرىلىپ قويعان قۇجات. ول تٷزەتٸلمەگەن», - دەدٸ شىڭعىس قابدوللا ەلورداداعى بريفينگتە.
پەرزەنتحاناعا بٸردەن كەلگەن جەدەل تەرگەۋ توبى اتالعان وقيعانىڭ مەن-جايىن انىقتاعان.
«شاقالاقتىڭ دەنەسٸ توڭازىتقىش كامەراسىنان تابىلدى. ۋاقىت بويىنشا ٷلگەرە الماي قالدىق. سوت سانكتسيياسىمەن كٷدٸكتٸلەر تۇتقىنعا الىنىپ, سوتقا دەيٸنگٸ تەرگەۋ امالدارى جٷرگٸزٸلٸپ جاتىر», - دەدٸ ول.
پەرزەنتحانا ورتالىعىنىڭ باسشىسى مەن ەيەلدٸ بوساندىرعان اكۋشەر-گينەكولوگتىڭ ٷستٸنەن قىلمىستىق ٸس قوزعالدى.
ەۋ باستا اتالمىش فاكت بويىنشا قر قك 317-بابى بويىنشا سوتقا دەيٸنگٸ تەرگەۋ امالدارى جٷرگٸزٸلگەن. الايدا ٸستٸڭ مەن-جايى انىقتالعاننان كەيٸن اتالعان ەكٸ ادامعا تاعىلعان ايىپ قر قك 99-بابىنا (قاساقانا كٸسٸ ٶلتٸرۋ) ٶزگەرتٸلگەن.
