اتىراۋ حالىقارالىق ەۋەجايىندا ۇشقىش, حالىق قاھارمانى حيۋاز دوسپانوۆاعا ەسكەرتكٸش تاقتا ورناتىلدى, دەپ حابارلايدى "ۇلت اقپارات".
بيىل ٷكٸمەت قاۋلىسىمەن اتىراۋداعى حالىقارالىق ەۋەجايعا قازاقتىڭ ۇشقىش قىزى, حالىق قاھارمانى حيۋاز دوسپانوۆانىڭ ەسٸمٸ بەرٸلگەن بولاتىن. قازٸر ەۋەجاي عيماراتىنا قاھارمان ۇشقىشتىڭ ەسٸمٸ جازىلعان. ال بٷگٸن ەۋەجاي الدىنا ورناتىلعان مەموريالدىق تاقتا سالتاناتتى جاعدايدا اشىلدى.
«ەكٸنشٸ دٷنيەجٷزٸلٸك سوعىس حالقىمىزعا وڭاي بولمادى. ميلليونداعان بوزداق مايدان دالاسىندا مەڭگٸلٸككە قالدى. جارالانىپ ورالعاندار دەنساۋلىعىن جوعالتتى. سوعىستا قااقتىڭ قايسار قىزدارى دا ەرلٸكتٸڭ قايتالانباس ٷلگٸسٸن كٶرسەتتٸ. سونىڭ بٸرٸ – داڭقتى ۇشقىش حيۋاز دوسپانوۆا. ونىڭ ەۋەدەن سوققى جاساۋداعى ەرلٸگٸ ەلٸمٸزدٸڭ حالىق قاھارمانى اتاعىمەن لايىقتى باعالاندى. بيىل اتىراۋداعى حالىقارالىق ەۋەجاي باتىردىڭ ەسٸمٸ بەرٸلدٸ. بٸز ەركەز داڭقتى مايدانگەرلەرٸمٸزدٸڭ ەرلٸگٸن كەيٸنگٸ ۇرپاققا كەڭٸنەن ناسيحاتتاپ, قۇرمەت تۇتامىز», - دەدٸ وبلىس ەكٸمٸ ماحامبەت دوسمۇحامبەتوۆ.
وبلىستىق ارداگەرلەر كەڭەسٸنٸڭ تٶراعاسى قاتيموللا ريزۋانوۆتىڭ ايتۋىنشا, ٶڭٸردە داڭقتى ۇشقىشتىڭ ەرلٸگٸن ناسيحاتتاۋ قولعا الىنعان. سونىڭ قاتارىندا حيۋاز دوسپانوۆا اتىنداعى مەدال دا بار.
