2022 جىلى پايدالانۋعا بەرٸلەتٸن «اتىراۋ-استراحان» جولىنىڭ قۇرىلىسى قارقىندى جٷرٸپ جاتىر. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا اتىراۋ وبلىسىنىڭ ەكٸمٸ نۇرلان نوعاەۆ ايتتى, دەپ حابارلايدى "ۇلت اقپارات".
«رەسەي فەدەراتسيياسى شەكاراسى - اتىراۋ» جولىن قالپىنا كەلتٸرۋگە باعىتتالعان جۇمىستار جوسپارعا ساي جٷزەگە اسىپ جاتىر. جولدىڭ جالپى ۇزىندىعى - 277 شاقىرىم. بٷگٸنگٸ تاڭدا تراسسانىڭ 60 شاقىرىمىن جٶندەۋ جۇمىستارى باستالدى. جوبالىق-سمەتالىق قۇجاتتاماعا ساي قۇرىلىس جۇمىستارى 2021 جىلى اياقتالۋى تيٸس. بٸراق, قۇرىلىس قارقىنى جاقسى بولعاندىقتان قۇرىلىسشىلار ەرتە بٸتٸرۋٸ دە مٷمكٸن», - دەدٸ ايماق باسشىسى.
اتىراۋ - استراحان – «نۇرلى جول» باعدارلاماسى اياسىندا جٷزەگە اسىرىلىپ جاتقان ەكٸ باعىتتاعى جولدىڭ بٸرٸ. 2022 جىلى تولىقتاي پايدالانۋعا بەرٸلەدٸ دەپ جوسپارلانىپ وتىر. ەكٸنشٸ باعىت – اتىراۋ-اقتٶبە جولى, ونىڭ 27 شاقىرىمى تٶسەلدٸ, 88 شاقىرىمى سالىنىپ جاتىر. قالعان 40 شاقىرىمىندا دايىندىق جۇمىستارى جٷرۋدە.
سونىمەن قاتار, ايماقتا كٶلٸك ينفراقۇرىلىمىن دامىتۋ بويىنشا جول-قۇرىلىس جۇمىستارى جٷزەگە اسۋدا. جالپى ۇزىندىعى - 165 شاقىرىم بولاتىن 216 كٶشە, 32 ەلدٸ مەكەندە جول سالۋ جوسپارلانعان. وبلىس ورتالىعىندا 4 باستى كٶشە كەڭەيتٸلەدٸ, كەڭەيتۋ جوباسى: جول تٶسەمٸن كٶبەيتۋ, جاڭا LED جارىقتاندىرۋ ورناتۋ, جاياۋ جٷرگٸنشٸلەر جولىن, ۆەلو-جول سالۋ جۇمىستارىن قامتيدى. كەلەر جىلى وبلىس ورتالىعىندا 7 كٶشەنٸ كەڭەيتۋ جوسپارلانعان. 45 شاقىرىم جاڭا جول سالىنادى.
«بٷگٸندە اتىراۋدا جەنە قالا ماڭىنداعى ەلدٸ مەكەندەردەگٸ ساپالى جول ٷلەسٸ – 85 پايىز», - دەپ اتاپ ٶتتٸ نۇرلان نوعاەۆ.
