اتىراۋ – استراحان جولىن سالىپ جاتقان جۇمىسشىلار ٷش ادامنىڭ قاڭقاسىن تاۋىپ الدى. وقيعا ورنىنا شاقىرىلعان پوليتسييا قىزمەتكەرلەرٸ زيراتتىڭ قاي عاسىرعا تيەسٸلٸ ەكەنٸن انىقتاۋ ٷشٸن شارالار ورىنداپ, سٷيەكتەردٸ جەر قويناۋىنا قايتا تاپسىردى, دەپ حابارلايدى Sputnik.
قاڭقالار قۇرمانعازى اۋدانى جاڭاتالاپ اۋىلدىق وكرۋگٸنٸڭ كٷيگەن اۋىلىنا جاقىن جەردەن تابىلىپتى. جول قۇرىلىسى ٷشٸن توپىراق قازىپ جاتقان جۇمىسشىلار ادام سٷيەكتەرٸنە كەز بولعان.
"ٷش ادامنىڭ سٷيەگٸ بەيٸت باسىنان الىستا ون مەتر تەرەڭدٸكتەن تابىلدى. "اقتٶبە-اتىراۋ-استراحان" جولىن سالىپ جاتقان "سينەميداسستروي" مەردٸگەر ۇيىمىنىڭ ٶكٸلدەرٸ جۇمىستى بٸردەن توقتاتقان. مەردٸگەر ۇيىمنىڭ باسشىسى جۇمىستى باسقا ۋچاسكەگە اۋىستىرۋدى تاپسىردى", - دەلٸنگەن "قازاۆتوجول" ۇق" اق حابارلاماسىندا.
باستاپقىدا سٷيەكتەردٸ تاۋىپ العان جۇمىسشىلار قۇقىق قورعاۋ ورگاندارىنا حابارلاۋدىڭ ورنىنا ۆيدەوعا تٷسٸرٸپ, ەلەۋمەتتٸك جەلٸدە جارييالاپتى. جەلٸ ارقىلى حاباردار بولعان رەسمي بيلٸك ٶكٸلدەرٸ وقيعا ورنىنا اۋدان ەكٸمدٸگٸ مەن قۇقىق قورعاۋ ورگاندارىنىڭ ٶكٸلدەرٸن جٸبەرگەن.
جەرگٸلٸكتٸ تۇرعىندار بۇل جەردە زيرات بولعانىن بٸلمەيدٸ. قاڭقالار ون مەتر تەرەڭدٸكتە تابىلعاندىقتان, جٷزدەگەن جىل بۇرىن كٶمٸلگەن شىعار دەگەن پايىمداۋ بار. بۇل سۇراقتىڭ جاۋابىن پوليتسييا تاعايىنداعان ساراپتاما بەرۋٸ تيٸس.
جۇمىسشىلارمەن سٶيلەسكەن اۋدان ەكٸمٸ قايرات نۇرتاەۆ بۇدان بىلاي كەز كەلگەن كٷتپەگەن جايتتى جەرگٸلٸكتٸ بيلٸك ٶكٸلدەرٸنە بٸردەن حابارلاۋدى سۇرادى.
پوليتسييا تيٸستٸ تەرگەۋ جۇمىسىن بٸتٸرگەن سوڭ, تابىلعان سٷيەكتەر ەلدٸ مەكەن جانىنداعى زيراتقا قايتا جەرلەندٸ.
