اتى اڭىزعا اينالعان تەلەجٷرگٸزۋشٸ لارري كينگ 87 جاسىندا ٶمٸردەن ٶتتٸ. جىل باسىندا ودان كوروناۆيرۋس انىقتالىپ, اۋرۋحاناعا جاتقىزىلعان ەدٸ. ونىڭ قايتىس بولعانى تۋرالى حابار سەنبٸ كٷنٸ تۆيتتەردەگٸ جەكە پاراقشاسىندا جارييالاندى, دەپ حابارلايدى "ۇلت اقپارات".
لوۋرەنس حارۆي زەيگەر (لارري كينگ) 1933 جىلى برۋكليندە ەۆرەي وتباسىندا دٷنيەگە كەلگەن. ونىڭ ەكە-شەشەسٸ دٸن ۇستاناتىن جاندار بولعانىمەن, ٶزٸ ەسەيە كەلە اگنوستيك بولدى.
ەيگٸلٸ تەلەجٷرگٸزۋشٸ جۋرناليستٸك سالادا 60 جىل قىزمەت اتقاردى. ونىڭ تەڭ جارتىسىنا جۋىق ۋاقىت سي-ەن-ەن تەلەارناسىندا ٶزٸنٸڭ اۆتورلىق باعدارلاماسىن جٷرگٸزدٸ.
كينگ ەلەمگە تانىمال ساياساتكەرلەرمەن, شوۋ-بيزنەس جۇلدىزدارى, اتاقتى سپورتشىلارمەن سۇحبات قۇردى.
تٸكەلەي ەفيردە شىعاتىن Larry King Live توك-شوۋىن "دەۋرەنٸ جٷرٸپ تۇرعان شاعىندا" بٸر تٷندە 1,5 ميلليون كٶرەرمەن تاماشالايتىن بولعان.
بۇل باعدارلامانىڭ ەڭ سوڭعى بٶلٸمٸ 2010 جىلى شىقتى. سول مەزەتتە Larry King Live تاريحتا جٷرگٸزۋشٸسٸ ەڭ ۇزاق ۋاقىت اۋىسپاعان تەلەباعدارلاما رەتٸندە رەكورد ورناتىپ, گيننەس كٸتابىنا ەندٸ.
