يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ۋتيليزاتسييالىق الىمدى دامىتۋ بويىنشا جۇمىس جوسپارىمەن بٶلٸستٸ, دەپ حابارلايدى قازاقپارات.
«ٷكٸمەتتٸڭ بۇل باعىتتا قابىلداعان جۇمىستارىنىڭ باسىمدىقتارى مەن كەمشٸلٸكتەرٸنٸڭ بەرٸن تەرەڭ تالداۋىمىز كەرەك. بٷگٸنگٸ تاڭدا ۋتيليزاتسييالىق الىم مەن ٷكٸمەت جاساعان قادامدار قازاقستانداعى اۋىل شارۋاشىلىعى تەحنيكاسىنىڭ ٶندٸرٸسٸن ىنتالاندىرىپ وتىر. اۋىلشارۋاشىلىق تەحنيكالارى ٶندٸرٸسٸن ىنتالاندىرا وتىرىپ, جاڭا ٶندٸرٸستٸ, جاڭا جۇمىس ورىندارىن قۇرامىز», - دەدٸ بەيبٸت اتامقۇلوۆ ٷكٸمەتتٸڭ باسپاسٶز ورتالىعىندا ٶتكەن بريفينگٸدە.
مينيستردٸڭ ايتۋىنشا, 28 تامىزدا نەمٸستٸڭ جەتەكشٸ «Claas» كومپانيياسىمەن كەلٸسٸم جاسالدى.
«بٸز جالپى, وسى جۇمىستى رەتتەۋ ٷشٸن 10 جىلداي ەڭبەك ەتتٸك. بۇل - ٶتە سالماقتى نارىق. اۋىل شارۋاشىلىعى تەحنيكاسىنىڭ نارىعىندا بەسەكەلەستەر كٶپ. بٸزدٸڭ نارىقتا دا ولاردىڭ كٶپتەگەن برەندٸ بار. بٸزگە قولداۋ بٸلدٸرگەن نەمٸس سەرٸكتەستەرگە العىس ايتامىز. نارىقتار اۋقىمىنا قاتىستى قاۋٸپ بارىنا قاراماستان, قازٸردٸڭ ٶزٸندە 200 كومباين قۇراستىرىلا باستادى», - دەدٸ مينيستر.
بەيبٸت اتامقۇلوۆ بۇل رەتتە, ٷكٸمەتتەن قولداۋدىڭ كەرەك بولعانىن جەتكٸزدٸ.
«كەلەسٸ جىلدان باستاپ بٸرتٸندەپ لوكاليزاتسييا باعدارلاماسىن باستاپ, ونى 20-دان 40 پايىزعا جەتكٸزۋدٸ كٶزدەپ وتىرمىز. جالپى, ۋتيليزاتسييالىق الىمعا جۇمساپ جاتقان قاراجات قازاقستاندا جاڭا جۇمىس ورىندارىپ قۇرىپ جاتقانىن ەرەكشە اتاپ ٶتكٸم كەلەدٸ. ەكٸنشٸدەن, قازاقستاندا جۇمىس ٸستەيتٸن ٶندٸرۋشٸلەرگە اۋىل شارۋاشىلىعى ٶنٸمدەرٸ بويىنشا ليزينگ ۇسىنامىز. وسى جوسپار نەگٸزٸندە 22 مىڭ اۋىل شارۋاشىلىعى تەحنيكاسى جاڭارتىلادى. بۇل جوسپاردى بٸزدٸڭ مينيسترلٸك الداعى ٷش جىلعا قويىپ وتىر. ەلبەتتە ۋتيليزاتسييالىق الىمعا قاتىستى ەلٸ دە پٸكٸرتالاستىڭ ارتاتىنى انىق. الايدا, بٸز بٸرٸنشٸ كەزەكتە, قازاقستاندىق ٶندٸرۋشٸلەردٸ قولداۋىمىز كەرەك», - دەدٸ بەيبٸت اتامقۇلوۆ.
