بيىل ٷكٸمەت پەن «اتامەكەن» پالاتاسى اراسىنداعى بەسجىلدىق كەلٸسٸمنٸڭ مەرزٸمٸ اياقتالادى. وسىعان بايلانىستى بيلٸك كەسٸپكەرلەر ۇيىمىنىڭ قۇرامىنان شىعادى. ال قازٸرگٸ ەرٸپتەستٸك جاڭا كەلٸسٸمنٸڭ نەگٸزٸندە جالعاسادى, دەپ xابارلايدى قازاقپارات تٸلشٸسٸ.
«ەندٸ, ٶزدەرٸڭٸز جاقسى بٸلەسٸزدەر, نەرەستە دٷنيەگە كەلگەندە اتا-اناسى ونى ەلپەشتەپ ٶسٸرەدٸ. اياعىنا تۇرعانشا قامقورلىق جاسايدى. ال اياعىنا تۇرىپ كەتكەن بالانىڭ تٷيسٸگٸ بولسا, ول اتا-اناسىنا قامقورلىق جاسايدى, ٶزٸنە تٸرەك بولادى. «اتامەكەن» بەس جىلدىڭ ٸشٸندە جىلداپ ەمەس, كٷندە ٶستٸ. بەس جىلدا جٷرٸپ ٶتكەن جولىن قاراڭىزدار. بٷگٸندە «اتامەكەن» ٷكٸمەتتٸڭ تٸرەگٸنە اينالدى. بەس جىل ٶتتٸ. ەندٸ, بٸز ٶز ٶكٸلەتتٸگٸمٸزدٸ توقتاتىپ, قازاقشا ايتقاندا «اتامەكەننٸڭ» ەنشٸسٸن بٶلٸپ بەرٸپ, ٷلكەن جولعا شىعارىپ وتىرمىز. بٸزدٸڭ ايتارىمىز, اق جول!», - دەدٸ قر پرەمەر-مينيسترٸ باقىتجان ساعىنتاەۆ «اتامەكەن» ۇكپ-نىڭ V سەزٸندە.
ٷكٸمەت باسشىسىنىڭ ايتۋىنشا, بيلٸك كەسٸپكەرلەر ۇيىمىنىڭ قۇرامىنان شىقسا دا, ەرٸپتەستٸك بايلانىس جالعاسا بەرەدٸ.
«وسىمەن ەكٸ جاققا كەتەمٸز دەگەن سٶز ەمەس. كەرٸسٸنشە, قازٸردٸڭ ٶزٸندە بٸز مىقتى كومانداعا اينالدىق. مەن بٸر عانا مىسال كەلتٸرەيٸن, ەۋرازييالىق ەكونوميكالىق كوميسسييانىڭ جۇمىسى كەزٸندە قىزۋ پٸكٸرتالاستار بولىپ جاتادى. سوندا ەرٸپتەستەرٸمٸزگە سالماقتى بٸر ۋەج تاپپاي قالعاندا بٸز «اتامەكەن» قارسىلىق بٸلدٸردٸ دەيمٸز دە, بولدى. وسىمەن پٸكٸرتالاس باسىلادى. ەرٸپتەستەرٸمٸز بولسا, بۇنداي «اتامەكەندٸ» قايدان الساق ەكەن دەپ شىعادى. سەبەبٸ بەرٸ بٸر نەرسەنٸ جاقسى بٸلەدٸ. وداق اياسىنداعى كەز كەلگەن جۇمىس بيزنەسكە تيٸمدٸ بولۋى قاجەت», - دەپ اتاپ كٶرسەتتٸ ب.ساعىنتاەۆ.
سەزد بارىسىندا ٷكٸمەت پەن «اتامەكەن» ۇكپ اراسىندا جاڭا كەلٸسٸمگە قول قويىلدى. سونىڭ نەگٸزٸندە بيلٸك پەن بيزنەستٸڭ ەرٸپتەستٸك بايلانىستارى جالعاسا بەرەدٸ. بٸراق ۇيىمنىڭ قۇرىلتايشىلار قۇرامىندا تەك كەسٸپكەرلەر عانا قالادى.
«وسىمەن ٶزارا ٸس-قيمىلدىڭ تەتٸكتەرٸ بەلگٸلەندٸ. بٸز جەمٸستٸ ەرٸ تيٸمدٸ جۇمىستىڭ جالعاسا بەرەتٸنٸنە سەنەمٸز. شىنىمەن دە, بەس جىلدىڭ ٸشٸندە ٷكٸمەت لايىقتى ەرٸ كەسٸبي ەرٸپتەسٸن تەربيەلەپ شىعاردى. بٸرلەسكەن جۇمىستىڭ نەتيجەسٸندە بٸراز شارۋالار اتقارىلدى. اتالعان ەرٸپتەستٸك جالعاسا بەرەدٸ», - دەيدٸ «اتامەكەن» ۇكپ پرەزيديۋم تٶراعاسى تيمۋر قۇلىباەۆ.
ايتا كەتەيٸك, بەس جىلدىڭ ٸشٸندە «اتامەكەنگە» بيزنەستٸ قورعاۋ بويىنشا 23 573 ارىز-شاعىم تٷسكەن. سونىڭ 40 پروتسەنتٸ وڭ شەشٸمٸن تاپتى. سونىڭ نەتيجەسٸندە كەسٸپكەرلەردٸڭ مەنشٸك قۇقىعى 111,3 ميلليارد تەڭگەدەن استام سوماعا قورعالدى. 2016 جىلى قازاقستاننىڭ بيزنەس-ومبۋدسمەن ينستيتۋتى ەنگٸزٸلدٸ. قۇقىق قورعاۋ ورگاندارى تاراپىنان كەسٸپكەرلەرگە جاسالاتىن قىسىم دەڭگەيٸ ايتارلىقتاي تٶمەندەدٸ. ەكونوميكالىق قىلمىستى العاش رەت جاساعان ەرٸ ٶز ەركٸمەن زالالدى ٶتەگەن تۇلاعالاردى جاۋاپكەرشٸلٸكتەن بوساتۋ تەتٸگٸ ەنگٸزٸلدٸ. 2016-2017 جىلدارى جاسالعان راقىمشىلىق شارالارىنىڭ ارقاسىندا 400-دەن استام كەسٸپكەر ەكونوميكالىق قىزمەتكە قايتا ورالدى.
ۇلتتىق كەسٸپكەرلەر پالاتاسىنىڭ باستاماسىمەن داۋلاردى سوتقا دەيٸن رەتتەۋ مەحانيزمٸ ەنگٸزٸلدٸ. قر قارجى مينيسترلٸگٸنٸڭ جانىنان سالىق جەنە كەدەن داۋلارى بويىنشا اپەللياتسييالىق كوميسسييا قۇرىلدى. بٷگٸنگە دەيٸن سالىق جەنە كەدەن تەكسەرۋلەرٸنە قاتىستى 157 شاعىم قارالىپ, شامامەن 40% بيزنەستٸڭ پايداسىنا شەشٸلدٸ.
پالاتا قۇرىلعاننان بەرٸ 22 300 نورماتيۆتٸ قۇقىقتىق اكتٸنٸڭ جوباسىنا ساراپتاما جاسالدى, ونىڭ ٸشٸندە 434-تەن استام زاڭ جوباسى قارالدى. بيزنەستٸڭ ۇسىنىستارىن ەسكەرۋ كٶرسەتكٸشٸ ايتارلىقتاي ٶستٸ. 2015 جىلى 30 پروتسەنت بولسا, بيىل ۇسىنىستاردىڭ 73 پروتسەنتٸ ەسكەرٸلدٸ. ٷكٸمەتپەن بٸرگە 800 رۇقسات قىسقارتىلدى (1115 بولعان, قازٸر 315-ٸ قالدى). بۇدان كەسٸپكەرلەر جىل سايىن 1,5 ملرد تەڭگەنٸ ٷنەمدەيدٸ.
2016 جىلى «Atameken Services» جوباسى ٸسكە قوسىلدى. 76 قىزمەت اۆتوماتتاندىرىلدى. ونلاين رەجيمدە 18 مىڭنان استام قىزمەت كٶرسەتٸلدٸ. وسىنىڭ نەگٸزٸندە «بيزنەسكە ارنالعان ٷكٸمەت» جوباسىن جٷزەگە اسىرۋ جوسپارلانعان. بۇدان بٶلەك, «باستاۋ بيزنەس» جوباسى اياسىندا xالىقتى بيزنەسكە ٷيرەتۋ شارالارى قولعا الىندى. 2017 جىلى 15 مىڭ جۇمىسسىز جەنە ٶزٸن-ٶزٸ جۇمىسپەن قامتىعان ازامات وقىتىلدى. ونىڭ ٸشٸندە 8 مىڭنان استامى بيزنەس-جوبالارىن قورعادى, 3314 ازامات بيزنەسٸن اشتى جەنە ۇلعايتتى. شامامەن 10 مىڭ جۇمىس ورنى اشىلدى. بيىل 30 مىڭ ادام وقىتالادى.
