«اتامەكەن» ۇلتتىق كەسٸپكەرلەر پالاتاسى باسقارما تٶراعاسىنىڭ بٸرٸنشٸ ورىنباسارى ناريمان ەبٸلشايىقوۆ ەل اۋماعىندا كەسٸپكەرلٸك نەگٸزدەرٸنە وقىتۋ بارىسى جايىندا باياندادى, دەپ حابارلايدى قازاقپارات.
«2017-2020 جىلدارى «باستاۋ بيزنەس» جوباسى بويىنشا 151 528 جۇمىسسىز جەنە ٶزٸن-ٶزٸ جۇمىسپەن قامتىعاندار كەسٸپكەرلٸك نەگٸزدەرٸنە وقىتىلدى. وقىتىلعانداردىڭ قاتارىنان 40 مىڭنان استام جوبا ٸسكە قوسىلدى. 4 جىل ٸشٸندە ولار ەل اۋماعىندا 60 مىڭنان استام جۇمىس ورنىن اشتى», - دەدٸ ن. ەبٸلشايىقوۆ ورتالىق كوممۋنيكاتسييالار قىزمەتٸندە.
ونىڭ ايتۋىنشا, بيىل «باستاۋ بيزنەس» جوباسى بويىنشا 30 مىڭنان استام ادامدى وقۋتى جوسپارلانعان. 2021 جىلى «جۇمىسپەن قامتۋدىڭ 2020-2021 جىلدارعا ارنالعان جول كارتاسى» باعدارلاماسى اياسىندا «باستاۋ بيزنەس» قاتىسۋشىلارىنىڭ جوبالارىن قارجىلاندىرۋ ٷشٸن 22,5 ملرد تەڭگە بٶلٸندٸ.
ٶز كەزەگٸندە «اتامەكەن» ۇكپ-نىڭ ميكروقارجىلاندىرۋ جەنە جوبالاردى سٷيەمەلدەۋ دەپارتامەنتٸ ديرەكتورىنىڭ ورىنباسارى رينات كەمەشوۆ «اتامەكەن» ميكروقارجىلىق ۇيىمداردى ەل اۋماعىندا اشقانىن ەسكە سالدى. بيىلعى 15 شٸلدەدەن باستاپ ميكروقارجىلاندىرۋعا ٶتٸنٸمدەر قابىلداۋ باستالدى. ٶڭٸرلەردە جاڭادان باستاعان كەسٸپكەرلەردەن جالپى سوماسى 3,5 ملرد تەڭگەگە 600-دەن استام ٶتٸنٸم قابىلداندى.
«اۋىلدىق جەرلەردە 7 ملن تەڭگەگە دەيٸن نەسيە بەرە الامىز. قالالىق اۋماقتاردا 18 ملن تەڭگەگە دەيٸن, سونداي-اق شىمكەنت, اقتاۋ, اتىراۋ قالالارىندا 23 ملن تەڭگەگە دەيٸن نەسيەنٸ قاراستىرىپ وتىرمىز. ونىڭ شارتتارىنا توقتالساق, 6 پايىزدىق جىلدىق مٶلشەرلەمە ەسكەرٸلگەن. ميكروكرەديت مەرزٸمٸ – 5 جىلعا دەيٸن, ال مال شارۋاشىلىعى سالاسىنداعى جوبالار ٷشٸن ميكرونەسيە مەرزٸمٸ 7 جىلعا دەيٸن قاراستىرىلعان. بۇل جۇمىس ٶتە جاۋاپكەرشٸلٸكتٸ تالاپ ەتەدٸ: بٸز بٸلگٸر ماماندار كومانداسىن قۇردىق, وزىق تەجٸريبەنٸ قابىلدادىق, ونىڭ ٸشٸندە ادامي فاكتوردى بارىنشا جويۋعا تىرىستىق», - دەدٸ ول.
