قىرعىزستاننىڭ بۇرىنعى پرەزيدەنتٸ المازبەك اتامباەۆتىڭ ەيەلٸ رايسا اتامباەۆاعا قارسى قىلمىستىق ٸس قوزعالدى, دەپ حابارلايدى ازاتتىقتىڭ قىرعىز قىزمەتٸ.
بۇل ٸس پرەزيدەنت اپپاراتىنىڭ سوت رەفورماسى جەنە زاڭدىلىق بٶلٸمٸنٸڭ بۇرىنعى مەڭگەرۋشٸسٸ ماناس اراباەۆتىڭ ٸسٸ اياسىندا قوزعالعان. بۇل تۋرالى جۋرناليستەرگە رايسا اتامباەۆانىڭ ٶزٸ ايتقان.
"اراباەۆتىڭ ٸسٸ اياسىندا بٷگٸننەن باستاپ ماعان قارسى قىلمىستىق ٸس قوزعالعانىن جاڭا عانا بٸلدٸم. مەن سۋديالاردىڭ ٸسٸنە ەشقاشان ارالاسپاعانىمدى ايتقىم كەلەدٸ, ساياسات لاس ٸس ەكەنٸن بٸلەتٸنمٸن, سوندىقتان وعان ارالاسپاۋعا تىرىستىم. مەن تٸپتٸ بٸر دە بٸر سۋديانى تانىمايمىن" دەپ مەلٸمدەگەن اتامباەۆا.
قىرعىزستان باس پروكۋراتۋراسى رايسا اتامباەۆاعا قارسى ٸس قوزعالعانى تۋرالى اقپاراتتى راستادى. ٸس ماتەريالدارى قىلمىستار مەن زاڭ بۇزۋشىلىقتاردىڭ بٸرىڭعاي تٸزٸمٸنە تٸركەلگەن.
ماناس اراباەۆ 2 ماۋسىمدا ۇستالىپ, ٷستٸنەن "جەمقورلىق" بابى بويىنشا ٸس قوزعالعان. قىرعىزستان مەملەكەتتٸك ۇلتتىق قاۋٸپسٸزدٸك كوميتەتٸنٸڭ مەلٸمەتٸنشە, ول قىزمەت لاۋازىمىن شەتەلدٸك ينۆەستورلاردىڭ كەسٸپكەرلٸك نىساندارىن رەيدەرلٸك جولمەن تارتىپ العان جەكەلەگەن قىلمىستىق توپتاردىڭ مٷددەسٸنە تەرٸس پايدالانعان دەگەن كٷدٸككە ٸلٸنگەن.
2 شٸلدەدە "الا-توو 24" تەلەارناسى ەفيرٸنەن كٶرسەتٸلگەن باعدارلامادا شەتەلدٸك ينۆەستورلاردىڭ دٷنيە-مٷلكٸن تارتىپ الۋعا بۇرىنعى پرەزيدەنتتٸڭ زايىبى رايسا اتامباەۆانىڭ قاتىسى بار دەگەن اقپارات ايتىلدى. تەلەارنا سيۋجەتٸندە ول جايىندا ماناس اراباەۆتىڭ تەرگەۋ ورگاندارىنا كۋەلٸك بەرگەنٸ كٶرسەتٸلگەن.
5 شٸلدەدە بٸشكەكتٸڭ بٸرٸنشٸ ماي اۋداندىق سوتىنىڭ شەشٸمٸ بويىنشا, ماناس اراباەۆ تەرگەۋ اباقتىسىنان ٷيقاماققا اۋىستىرىلعان.
