قىرعىزستاننىڭ بۇرىنعى پرەزيدەنتٸ المازبەك اتامباەۆتى ۇستاۋ وپەراتسيياسى كەزٸندە كوي-تاش اۋىلىنداعى ەكس-پرەزيدەنت ٷيٸندە اتامباەۆپەن كەلٸسسٶز جٷرگٸزگەن ٸشكٸ ٸستەر مينيسترٸنٸڭ ورىنباسارى كۋرسان اسانوۆ قىزمەتٸنەن بوساتىلدى.
مينيسترلٸك مەلٸمدەۋٸنشە,"7-8 تامىز كٷندەرٸ بولعان وپەراتسييا كەزٸندە تەرتٸپسٸزدٸككە جول بەرمەۋ مٸندەتٸ جٷكتەلگەن" اسانوۆتىڭ ٷستٸنەن جٷرگٸزٸلگەن قىزمەتتٸك تەكسەرۋ قورىتىندىسىنا سەيكەس, مينيستر ورىنباسارى "قىرعىز ميليتسيياسىنىڭ مٷددەسٸن ساتىپ, سەنٸمدٸ اقتاماعان".
اسانوۆتىڭ ٶزٸ ەلەۋمەتتٸك جەلٸدە كوي-تاشتاعى وقيعادا قيىن جاعدايعا تاپ بولعانىن جازدى. "ٸشكٸ ٸستەر مينيسترلٸگٸنٸڭ جەكە قۇرامىنىڭ ارقاسىندا قيىندىقتى جەڭدٸك. ٶز قىزمەتٸمدٸ ادال اتقاردىم دەپ ەسەپتەيمٸن. جەكە مٷددەمدٸ مەملەكەتتەن جوعارى قويمادىم. ەلدٸڭ الدىندا ارىم دا ابىرويىم دا تازا" دەپ جازدى ول.
اتامباەۆ 8 تامىزدا جالعاسقان وپەراتسييا كەزٸندە ٶز ەركٸمەن بيلٸككە بەرٸلدٸ. وعان جەمقورلىق ايىبى تاعىلىپ, ەكس-پرەزيدەنت 26 تامىزعا دەيٸن قاماۋعا الىندى. قازٸر ونىڭ ٸسٸ تەرگەلٸپ جاتىر.
13 تامىزدا پروكۋراتۋرا بۇرىنعى پرەزيدەنتكە تاعى بٸرنەشە ايىپ تاقتى. "اتامباەۆقا تەرتٸپسٸزدٸك ۇيىمداستىرۋ, زاڭسىز قارۋ اينالىمى, تەرگەۋگە كەدەرگٸ كەلتٸرۋ, ادامداردى كەپٸلگە الۋ, ادام ٶلتٸرۋ, ادام ٶلتٸرۋگە تالپىنىس جاساۋ سيياقتى جەتٸ قىلمىستىق ايىپ تاعىلدى" دەدٸ باس پروكۋرور.
27 ماۋسىمدا قىرعىزستان پارلامەنتٸ المازبەك اتامباەۆتى ەكس-پرەزيدەنت جەنە تيٸسپەۋشٸلٸك مەرتەبەسٸنەن ايىرعان. كەيٸن ٸٸم اتامباەۆتى تەرگەۋگە شاقىرا باستادى. ٷش رەت شاقىرتۋ جٸبەرگەنٸمەن تەرگەۋگە بارماعان اتامباەۆتى مينيسترلٸك ارنايى وپەراتسييا جٷرگٸزٸپ, كٷشتەپ ەكەلۋدٸ تاپسىرعان.
قىرعىزستاننىڭ بۇرىنعى پرەزيدەنتٸنە قىزمەتتە جٷرٸپ جەمقورلىققا جول بەردٸ, ٶكٸلەتٸن اسىرا پايدالاندى جەنە زاڭسىز بايىدى دەگەن سيياقتى جالپى سانى بەس ايىپ تاعىلعان. پروكۋراتۋرا اتامباەۆ قىلمىستىق توپتار اراسىندا تانىمال ازيز باتۋكاەۆتىڭ زاڭسىز بوساتىلۋىمەن بايلانىستى ٸستە كۋەگەر رەتٸندە تانىلعانىن مەلٸمدەگەن.
اتامباەۆ بۇل ايىپتاردىڭ بەرٸن جوققا شىعارىپ, ٶزٸن تەرگەۋگە شاقىرۋدىڭ ساياسي استارى بار دەپ مەلٸمدەگەن. ول ازيز باتۋكاەۆتى بوساتۋعا قاتىسى جوعىن دا ايتقان. بٸشكەك بۇل ايىپتاردىڭ ساياسي استارى بار دەگەنمەن كەلٸسپەيدٸ.
اتامباەۆ قىرعىزستاندى 2011-2017 جىلدارى باسقارعان. ونىڭ ورنىنا بيلٸككە 2017 جىلدىڭ سوڭىندا سايلاۋ جولىمەن سوورونباي جەەنبەكوۆ كەلگەن.
