قىرعىزستان ەسكەري پروكۋراتۋراسى ەلدٸڭ ەكس-پرەزيدەنتٸ المازبەك اتامباەۆقا تاعى ەكٸ ايىپ تاقتى. بۇل تۋرالى ونىڭ ادۆوكاتى سەرگەي سلەسارەۆ حابارلادى, دەپ جازادى ازاتتىقتىڭ قىرعىز قىزمەتٸ.
ادۆوكاتتىڭ سٶزٸنشە, اتامباەۆقا ەكٸ ايىپ بٸشكەك جەس جٶندەۋ جۇمىستارى مەن ەل استاناسىنداعى "فورۋم" عيماراتىن جەكەشەلەندٸرۋ كەزٸندەگٸ جەمقورلىق ٸسٸ بويىنشا تاعىلعان. سلەسارەۆ اتامباەۆ جاڭا ايىپتار تاعىلعانىنان حاباردار ەكەنٸن ايتتى.
8 تامىزدا قىرعىزستاننىڭ كٷشتٸك قۇرىلىمدارى كوي-تاشتا جٷرگٸزگەن ەكٸنشٸ وپەراتسييادان كەيٸن ەلدٸڭ بۇرىنعى پرەزيدەنتٸ المازبەك اتامباەۆتى ۇستادى.
7 تامىزدا بولعان العاشقى وپەراتسييا سەتسٸز اياقتالعان ەدٸ. وپەراتسييا سالدارىنان تۋىنداعان تەرتٸپسٸزدٸك كەزٸندە ونداعان ادام جارالاندى, بٸر ادام قازا تاپتى. 8 تامىز كٷنگٸ جانجال كەزٸندە دە بٸرنەشە ادام جارالانعان. ولاردىڭ تٶرتەۋٸ - پوليتسەي.
كەيٸن ەلدٸڭ كٷش قۇرىلىمدارى اتامباەۆقا "تەرتٸپسٸزدٸكتەر ۇيىمداستىرۋ", "زاڭسىز قارۋ اينالىمى", "تەرگەۋگە كەدەرگٸ جاساۋ", "كەپٸلگە ادام الۋ", "كٸسٸ ٶلتٸرۋ" جەنە "ادام ٶلتٸرۋگە وقتالۋ" باپتارى بويىنشا ايىپتار تاعىپ, قاماۋعا العان.
27 ماۋسىمدا قىرعىزستان پارلامەنتٸ المازبەك اتامباەۆتى ەكس-پرەزيدەنت جەنە تيٸسپەۋشٸلٸك مەرتەبەسٸنەن ايىرعان. كەيٸن ٸٸم اتامباەۆتى تەرگەۋگە شاقىرا باستادى. ٷش رەت شاقىرتۋ جٸبەرگەنٸمەن تەرگەۋگە بارماعان اتامباەۆتى مينيسترلٸك ارنايى وپەراتسييا جٷرگٸزٸپ, كٷشتەپ ەكەلۋدٸ تاپسىرعان.
قىرعىزستاننىڭ بۇرىنعى پرەزيدەنتٸنە قىزمەتتە جٷرٸپ جەمقورلىققا جول بەردٸ, ٶكٸلەتٸن اسىرا پايدالاندى جەنە زاڭسىز بايىدى دەگەن سيياقتى جالپى سانى بەس ايىپ تاعىلعان. پروكۋراتۋرا اتامباەۆ قىلمىستىق توپتار اراسىندا تانىمال ازيز باتۋكاەۆتىڭ زاڭسىز بوساتىلۋىمەن بايلانىستى ٸستە كۋەگەر رەتٸندە تانىلعانىن مەلٸمدەگەن.
اتامباەۆ بۇل ايىپتاردىڭ بەرٸن جوققا شىعارىپ, ٶزٸن تەرگەۋگە شاقىرۋدىڭ ساياسي استارى بار دەپ مەلٸمدەگەن. ول ازيز باتۋكاەۆتى بوساتۋعا قاتىسى جوعىن دا ايتقان. بٸشكەك بۇل ايىپتاردىڭ ساياسي استارى بار دەگەنمەن كەلٸسپەيدٸ.
اتامباەۆ قىرعىزستاندى 2011-2017 جىلدارى باسقارعان. ونىڭ ورنىنا بيلٸككە 2017 جىلدىڭ سوڭىندا سايلاۋ جولىمەن سوورونباي جەەنبەكوۆ كەلگەن.
