قىرعىزستاندا كوي-تاشتاعى جاپپاي تەرتٸپسٸزدٸك جەنە ساربازداردى كەپٸلدٸككە الۋ ٸسٸ بويىنشا كٷدٸكتٸلەرگە سوت-پسيحياترييالىق ساراپتاما تاعايىندالدى. ولاردىڭ اراسىندا بۇرىنعى پرەزيدەنت المازبەك اتامباەۆ تا بار.
ٸشكٸ ٸستەر مينيسترلٸگٸنٸڭ دەرەگٸنشە, سوتقا دەيٸنگٸ تەرگەۋ امالدارى اياسىندا 16 ادام كٷدٸكتٸ رەتٸندە تانىلعان. ٸٸم حابارلاماسىندا ولاردىڭ اۋىر جەنە ٶتە اۋىر قىلمىس جاسادى دەگەن كٷدٸككە ٸلٸنگەنٸ جازىلعان. قىرعىزستان زاڭىنا سەيكەس, مۇنداي جاعدايدا كٷدٸككە ٸلٸنگەن ازاماتتار سوت-پسيحياترييالىق ساراپتامادان ٶتۋٸ تيٸس.
7-8 تامىزدا قىرعىزستاننىڭ شۋ وبلىسى الامۋد اۋدانى كوي-تاش اۋىلىندا ارنايى قىزمەت ٶكٸلدەرٸ بۇرىنعى پرەزيدەنت المازبەك اتامباەۆتى تەرگەۋگە كٷشتەپ اپارۋعا تىرىستى. وقيعا كەزٸندە ونداعان ادام زارداپ شەكتٸ, ارنايى قىزمەتتٸڭ التى جاساعىن اتامباەۆ جاقتاستارى كەپٸلگە الىپ, 20 ساعات بويى اتامباەۆ ٷيٸندە ۇستادى. مەملەكەتتٸك ۇلتتىق قاۋٸپسٸزدٸك كوميتەتٸنٸڭ جاساعى ۋسەنباي نييازبەكوۆ اۋىر جارالانىپ, قايتىس بولدى. شۋ وبلىسىنىڭ ٸشكٸ ٸستەر باسقارماسىنىڭ باستىعى سامات كۋرمانكۋلوۆتىڭ باسى جارالانىپ, قازٸر مەسكەۋدە ەمدەلٸپ جاتىر.
8 تامىزدا قىرعىزستاننىڭ كٷشتٸك قۇرىلىمدارى المازبەك اتامباەۆتى ۇستادى. كەيٸن اتامباەۆقا "تەرتٸپسٸزدٸكتەر ۇيىمداستىرۋ", "زاڭسىز قارۋ اينالىمى", "تەرگەۋگە كەدەرگٸ جاساۋ", "كەپٸلگە ادام الۋ", "كٸسٸ ٶلتٸرۋ" جەنە "ادام ٶلتٸرۋگە وقتالۋ" باپتارى بويىنشا 14 ايىپ تاعىلىپ, قاماۋعا الىندى.
كوي-تاشتاعى وقيعادان سوڭ كٶپ كەشٸكپەي اتامباەۆ جاقتاستارى - پرەزيدەنت اپپاراتىنىڭ بۇرىنعى جەتەكشٸسٸ فاريد نييازوۆ, پارتييا بويىنشا ەرٸپتەستەرٸ الگا كىلىچوۆ, كىياز سمايلوۆ جەنە امانتۋر جامگىرچيەۆ قاماۋعا الىندى. ولار "ارنايى جاساق ٶكٸلدەرٸن كەپٸلگە الدى" دەگەن كٷدٸككە ٸلٸنگەن. دەل وسىنداي كٷدٸكپەن دەپۋتات يرينا كارامۋشكينا دا 22 تامىزدا ٷيقاماققا الىنعان.
