قىرعىزستاننىڭ بۇرىنعى پرەزيدەنتٸ المازبەك اتامباەۆ ٶزٸن تيٸسپەۋشٸلٸك مەرتەبەسٸنەن ايىرعان پارلامەنت شەشٸمٸنە قاتىستى پٸكٸر بٸلدٸردٸ.
كەشە, 27 ماۋسىمدا پارلامەنت ەكس-پرەزيدەنت المازبەك اتامباەۆتى تيٸسپەۋشٸلٸك مەرتەبەسٸنەن ايىرعان. وسىلايشا, تەرگەۋ ورگاندارى اتامباەۆتى ۇستاپ, ونى تەرگەۋگە قۇقىق العان. باس پروكۋراتۋرا ەكس-پرەزيدەنتكە تاعىلعان جەمقورلىق, زاڭسىز بايۋ جەنە لاۋازىمىن اسىرا پايدالانۋ سيياقتى ايىپتارعا نەگٸز تاپقان.
كوي-تاش اۋىلىنداعى ٷيٸندە جۋرناليستەر سۇراعىنا جاۋاپ بەرگەن ەكس-پرەزيدەنت ٶزٸنە ايتىلعان ايىپتاردى جوققا شىعاردى. ول "قىلمىستىق ٸس قوزعالعان جاعدايدا تەرگەۋگە بارمايمىن" دەدٸ.
- ادۆوكاتىم بار. پروكۋرورلاردىڭ سۇراعى بولسا, جازباشا جاۋاپ بەرەمٸز. ماعان ايتىلىپ جاتقان ايىپتاردىڭ بەرٸ - جالا. تەرگەۋدٸڭ قالاي جٷرٸپ جاتقانىن كٶرٸپ تۇرمىز عوي, - دەدٸ اتامباەۆ.
بۇرىنعى پرەزيدەنت قىرعىزستاننىڭ "زاڭ شەڭبەرٸنەن شىعىپ كەتكەنٸن" ايتتى. اتامباەۆتىڭ سٶزٸنشە, "قازٸرگٸ بيلٸك ٶز ادامدارىن عانا قورعاپ, ٶزٸنە جاقپاعانداردى كەز كەلگەن سىلتاۋمەن تٷرمەگە جاۋىپ تاستايدى".
ەكس-پرەزيدەنت باسقا ەلگە كٶشپەيتٸنٸن ايتتى. "بۇل - مەنٸڭ وتانىم. قاشاتىن - باسقالار. مەنٸ قۇرتۋدى كٶزدەگەندەر ەرتە مە, كەش پە ٶزدەرٸ قاشادى. سٶزٸمە سەن" دەدٸ جۋرناليستەردٸڭ بٸرٸنە اتامباەۆ.
ازاتتىقتىڭ قىرعىز قىزمەتٸ جۋرناليسٸنٸڭ "قازٸرگٸ پرەزيدەنت سوورونباي جەەنبەكوۆكە كٶزقاراسىڭىز قانداي?" دەگەن سۇراعىنا ەكس-پرەزيدەنت "مەن ونى مويىندامايتىنىمدى بۇعان دەيٸن دە ايتقانمىن. ونىڭ قانشالىقتى زاڭدى پرەزيدەنت ەكەنٸ ٷلكەن كٷمەن تۋدىرادى" دەپ جاۋاپ بەردٸ.
بىلتىر قىرعىزستاندا ٶتكەن پرەزيدەنت سايلاۋى كەزٸندە جەەنبەكوۆكە قولداۋ كٶرسەتكەنٸ تۋرالى ايتقاندارعا اتامباەۆ "جاڭىلمايتىن ادام جوق" دەپ جاۋاپ بەردٸ.
- پايعامبار "مەن دە اداممىن, مەن دە قاتەلەسەمٸن" دەگەن. ال مەن - پايعامبار ەمەسپٸن. اينالامداعى دوستارىما قاراڭدارشى. ەڭ جاقىن دوسىمنىڭ بٸرٸ - سوورونباي جەەنبەكوۆ, ەكٸنشٸسٸ يسا ومۋركۋلوۆ ەدٸ. بٸراق مەن ادامداردىڭ الدا نە ٸستەيتٸنٸن بولجاپ بٸلە المايمىن, - دەدٸ بۇرىنعى پرەزيدەنت.
اتامباەۆقا دەپۋتاتتار تاعىپ, باس پروكۋراتۋرا نەگٸزدٸ دەپ تاپقان ايىپتار مىنالار:
- اتامباەۆ ٷي سالعان كوي-تاش اۋىلىندا جەردٸ زاڭسىز باسىپ الۋ;
- قىلمىستىق توپ مٷشەسٸ ازيز باتۋكاەۆتى زاڭسىز بوساتۋ;
- زاڭسىز بايۋ;
- بٸشكەك تەتس-ٸن جاڭارتۋ جوباسى كەزٸندەگٸ جەمقورلىق ەرەكەت;
- بٸشكەك تەتس-ٸنە زاڭسىز كٶمٸر تاسىمالداۋ ٸسٸنە قاتىسى بولۋى مٷمكٸن.
قىرعىزستاندا بۇرىنعى پرەزيدەنت مەرتەبەسٸنە روزا وتۋنباەۆا مەن المازبەك اتامباەۆ يە. ال حالىق تولقۋلارى نەتيجەسٸندە بيلٸكتەن كەتۋگە مەجبٷر بولعان ەلدٸڭ بٸرٸنشٸ پرەزيدەنتٸ اسقار اقاەۆ پەن ەكٸنشٸ پرەزيدەنتٸ قۇرمانبەك باكيەۆكە ونداي مەرتەبە بەرٸلمەگەن.
