قىرعىزستان پرەزيدەنتٸ المازبەك اتامباەۆ قازاق-قىرعىز شەكاراسىنداعى جاعدايدىڭ دۇرىستالاتىنىنا سەنٸمدٸ ەكەنٸن مەلٸمدەدٸ. ونىڭ سٶزٸنشە, رەسەي فەدەراتسيياسى قىرعىزستان مەن قازاقستان اراسىنداعى قارىم-قاتىناستى رەتتەۋگە كٶمەكتەسۋٸ كەرەك.
وسى حاقىندا جەنە ٶزگە دە جاعدايلارعا قاتىستى پٸكٸرلەرٸن ول ەلدٸ باسقارعانىنا التى جىل تولۋىنا وراي ٶتكەن باسپاسٶز كونفەرەنتسيياسى بارىسىندا ايتتى, - دەپ جازادى "ۇلت اقپارات".
"ٶزدەرٸڭٸز بٸلەتٸن بولارسىزدار, جاقىندا مەن رەسەي پرەزيدەنتٸ, جاقىن دوسىم ۆلاديمير ۆلاديميروۆيچ پۋتينمەن كەزدەستٸم. وعان اشىق تٷردە "سٸزدەرگە ەۋرازييالىق ەكونوميكالىق وداق كەرەك بولسا, ونى بۇزىپ جاتقانداردىڭ ٸسٸنە ارالاسپاي وسىلاي وتىرا بەرۋگە بولمايدى" دەپ ايتتىم. قازاقستانمەن بايلانىس دۇرىستالادى. بۇل استانا ٷشٸن دە, بٸرٸنشٸ رەتتە رەسەي ٷشٸن دە كەرەك. مەن دۇرىس ٸستەدٸم دەپ ويلايمىن. بٸزدٸڭ ٸشكٸ ٸسٸمٸزگە ارالاسۋعا بولمايتىنىن ەسكەرتتٸك. قازٸر ٶز ەلٸڭنەن گٶرٸ, ٶزگە ەلدەگٸ جاعدايدى شايقالتۋ وڭايىراق بولىپ تۇر", - دەدٸ قىرعىزستان پرەزيدەنتٸ ەكٸ ەل اراسىنداعى ىنتىماقتاستىقتى رەتتەۋ تۋرالى سۇراقتارعا جاۋاپ بەرە وتىرىپ.
ايتا كەتەيٸك, وسىعان دەيٸن المازبەك اتامباەۆ قازاقستان بيلٸگٸن پرەزيدەنت سايلاۋىنا ارالاسىپ جاتىر دەپ ايىپتاعان بولاتىن. سوعان بايلانىستى قازاقستان قىرعىزستانمەن شەكارادا قاۋٸپسٸزدٸك شارالارىن كٷشەيتكەن ەدٸ. نەتيجەسٸندە شەكارادان ٶتەتٸن ازاماتتاردىڭ سانى 2,5 ەسەگە قىسقارعان ەدٸ.
بٸراق 10 قاراشادا قىرعىزستان بيلٸگٸ قازاقستان تاراپى جٷك باقىلاۋىندا كٶپ شارا قولدانىپ جاتقانى تۋرالى مەلٸمدەدٸ. ٶز كەزەگٸندە قازاقستان پرەمەرٸ باقىتجان ساعىنتاەۆ قىرعىزستانمەن شەكاراداعى قاتاڭ باقىلاۋدىڭ بٸشكەككە قارسى ەمەس, كەرٸسٸنشە, كونتراباندا كٶلەمٸن قىسقارتۋعا باعىتتالعانىن مەلٸمدەدٸ. ال, بٸشكەك تاراپى قازاقستان شەكارادا "قولدان كەدەرگٸ جاساپ وتىرعانىن" ايتىپ, دٷنيەجٷزٸلٸك ساۋدا ۇيىمىنا جەنە ەۋرازييا ەكونوميكالىق وداعىنا (ەاەو) جٷگٸنگەن.
ەستەرٸڭٸزگە سالا كەتەيٸك, المازبەك اتامباەۆ قىرعىزستان پرەزيدەنتٸ قىزمەتٸنە 2011 جىلدىڭ 1 جەلتوقسانىندا كٸرٸسكەن. ال, بيىلعى جىلدىڭ 15 قازانىندا ٶتكەن سايلاۋدا جەڭٸسكە جەتكەن سوورونباي جەەنبەكوۆتٸ ۇلىقتاۋ شاراسى 24 قاراشادا ٶتەدٸ.
