قىرعىزستاننىڭ بۇرىنعى پرەزيدەنتٸ المازبەك اتامباەۆ تٶڭكەرٸس جاساماقشى بولعان. بۇل تۋرالى قىرعىزستاننىڭ مەملەكەتتٸك ۇلتتىق قاۋٸپسٸزدٸك كوميتەتٸنٸڭ تٶراعاسى وروزبەك وپۋمباەۆ باسپاسٶز مەسليحاتىندا مەلٸم ەتتٸ, دەپ حابارلايدى قازاقپارات كابار اگەنتتٸگٸنە سٸلتەمە جاساپ.
ول المازبەك اتامباەۆتىڭ ادامدارعا 1-3 مىڭ سوم ارالىعىندا اقشا تٶلەپ, ٷيٸنٸڭ الدىنا ەدەيٸ جيناعانىن اتاپ ٶتتٸ.
قىرعىز رەسپۋبليكاسىنىڭ مۇقك باسشىسى وپەراتسيياعا «الفا» ارنايى جاساقتىڭ جٸبەرٸلگەنٸن تٷسٸندٸردٸ.
ونىڭ ايتۋىنشا, ەرەجە بويىنشا «الفا» انتيتەرروريستٸك ەرەكەتتەردە تارتىلادى. بٸراق, ول قوسىمشاعا سەيكەس, كەيبٸر جاعدايدا ارنايى جاساقتىڭ جۇمىلدىرىلاتىنىن اتاپ ٶتتٸ. مۇقك باسشىسى «الفا» ارنايى جاساعىنىڭ ەسٸرتكٸ تاسۋشىلار مەن ۇيىمداسقان قىلمىستىق توپتى ۇستاۋ كەزٸندەگٸ وپەراتسيياسىن مىسال رەتٸندە كەلتٸردٸ.
«ارنايى جاساق جەدەل ۋەكٸلدەردٸ زورلىق ەرەكەتتەردەن قورعاۋى كەرەك ەدٸ. سوندىقتان, ولاردىڭ سانى از بولدى. مەجبٷرلەپ الىپ كەلۋدٸڭ بەس نۇسقاسى قاراستىرىلدى. ورىن العان جاعداي – بٸر نۇسقا ەدٸ جەنە ول ەڭ تيٸمدٸسٸ بولاتىن. سەبەبٸ, كەز كەلگەن ەرەكەت – ارنايى جاساق, ٸٸم جەنە مۇقك جۇمىسى تۋرالى اقپارات اتامباەۆتىڭ شتابىنا جاسىرىن جەتكٸزٸلدٸ. سەگٸزباەۆتىڭ (ابديل سەگٸزباەۆ, بۇرىنعى مۇقك باسشىسى) جەنە يسرايلوۆتىڭ (ۋلان يسرايلوۆ, بۇرىنعى ٸشكٸ ٸستەر مينيسترٸ) ورگانداعى بۇرىنعى جەنە قازٸرگٸ ادامدار وسى ٷشٸن اقشا الىپ وتىردى. بارلىعىن شتابقا جەتكٸزٸپ وتىردى, سوندىقتان كەنەتتەن شابۋىلداۋ تۋرالى شەشٸم قابىلداندى. اتامباەۆ 500 ادام جينادى. ولار بالالار, ەيەلدەر جەنە قارييالار ەدٸ. وعان بيلٸكتٸ ايىپتاۋ ٷشٸن قان تٶگۋ كەرەك بولدى, ول مەملەكەتتٸك تٶڭكەرٸس جاسايتىن ەدٸ», - دەدٸ ول.
وپۋمباەۆ اتاپ ٶتكەندەي, اتامباەۆ ەسٸكتەرٸ مەن تەرەزەلەرٸنە تەمٸر قورشاۋ ورناتىپ, ٷيٸن قورعاۋعا تولىقتاي دايىندالعان.
«اتامباەۆتىڭ ٷيٸنەن دراگۋنوۆ سنايپەرلٸك ۆينتوۆكاسى, ەرقايسىسىنىڭ ٸشٸندە 480 پاترونى بار 2 تەمٸر جەشٸك تابىلعان. بۇدان بٶلەك, 4-5 ۆينتوۆكا, تاپانشا مەن تاعى باسقا قارۋ-جاراقتار بولدى», - دەدٸ ول.
7 تامىز كٷنٸ كەشكە قوي-تاشتا ەلدٸڭ بۇرىنعى پرەزيدەنتٸ المازبەك اتامباەۆتىڭ ٷيٸندە ا.باتۋكاەۆتىڭ ٸسٸ بويىنشا تەرگەۋ ورگاندارىنا كٷشتەپ ەكەلۋ كەزٸندە قاۋٸپسٸزدٸك كٷشتەرٸ ٶكٸلدەرٸ مەن بۇرىنعى پرەزيدەنتتٸ قولداۋشىلار اراسىندا قاقتىعىس بولدى.
سونىڭ سالدارىنان «الفا» مۇقك ارنايى بٶلٸمشەسٸ باسشىسىنىڭ ورىنباسارى ٷسەن نييازبەكوۆ كٶز جۇمىپ, 40-تان استام ادام جارالاندى.
8 تامىز كٷنٸ قۇقىق قورگاۋ ورگاندارى اتامباەۆتى قوي-تاش اۋىلىنداعى ٷيٸندە قولعا تٷسٸرٸپ, 26 تامىزعا دەيٸن ۇقك تەرگەۋ يزولياتورىنا جٸبەرٸلدٸ.
قوي-تاشتا ورىن العان جاعدايعا, ارناي جاساق قىزمەتكەرٸنٸڭ كٶز جۇمۋىنا جەنە قۇقىق قورعاۋ ورگاندارى قىزمەتكەرلەرٸنٸڭ جاراقاتتانۋىنا بايلانىستى سوتقا دەيٸنگٸ ٸس جٷرگٸزۋ باستالدى.
