قاراعاندى وبلىسىندا اسىراندى بالالارعا قاتىگەزدٸك كٶرسەتتٸ دەپ ايىپتالعان ەرلٸ-زايىپتىلار مەن ولاردىڭ قىزىنا قاتىستى سوت ٷكٸمٸ جارييالاندى. ٸس مامانداندىرىلعان اۋدانارالىق كەمەلەتكە تولماعاندار ٸستەرٸ جٶنٸندەگٸ سوتتا قارالدى, دەپ حابارلايدى ult.kz.
تەرگەۋ نۇسقاسىنا سەيكەس, قارقارالى اۋدانىندا تۇراتىن پەداگوگتار وتباسى بالالار ٷيٸنەن پاتروناتتىق تەربيەگە العان التى بالانى بٸرنەشە جىل بويى جٷيەلٸ تٷردە قورلاعان. ايىپتاۋ تاراپى ولاردىڭ بالالاردى اۋىر جۇمىسقا جەككەنٸن, ۇرىپ-سوققانىن, قورلاعانىن جەنە اشتىقتا ۇستاعانىن مەلٸمدەدٸ.
سوت بارىسىندا بالالاردىڭ بولماشى قاتەلٸكتەرٸ ٷشٸن جازالانعانى, كەي جاعدايدا ادام تٶزگٸسٸز جاعدايلارعا تاپ بولعانى تۋرالى دەرەكتەر ايتىلدى. ساراپتاما قورىتىندىلارى جەبٸرلەنۋشٸلەردٸڭ دەنەلەرٸندە كٶپتەگەن جاراقات ٸزدەرٸ بولعانىن كٶرسەتتٸ.
پروكۋروردىڭ ايتۋىنشا, كەمەلەتكە تولماعانداردىڭ ايعاقتارى سوت-پسيحولوگييالىق ساراپتاما نەتيجەلەرٸمەن راستالعان. ساراپشىلار وقيعالاردان كەيٸن بالالاردىڭ بٸرٸندە پسيحيكالىق بۇزىلىستاردىڭ دامىعانىن انىقتاعان.
ال قورعاۋ تاراپى تەرگەۋ بارىسىندا زاڭبۇزۋشىلىقتارعا جول بەرٸلگەنٸن العا تارتتى. وتباسى باسشىسى ٶز كٸنەسٸن مويىنداماي, بالالارعا جاقسى قاراعانىن جەنە تەرگەۋ كەزٸندە قىسىم كٶرگەنٸن مەلٸمدەدٸ.
ٸس ماتەريالدارىن زەرتتەگەن سوت وتباسى مٷشەلەرٸن كٸنەلٸ دەپ تانىدى. وتباسى باسشىسى 12 جىلعا, جۇبايى 10 جىلعا, ال قىزدارى 4 جىل 8 ايعا باس بوستاندىعىنان ايىرىلدى.
سونىمەن قاتار سوت ەربٸر جەبٸرلەنۋشٸنٸڭ پايداسىنا مورالدىق شىعىن رەتٸندە 10 ميلليون تەڭگەدەن ٶندٸرٸپ بەرۋ تۋرالى شەشٸم شىعاردى.
ٷكٸم ەزٸرگە زاڭدى كٷشٸنە ەنگەن جوق. قورعاۋشىلار اپەللياتسييالىق شاعىم تٷسٸرەتٸندەرٸن مەلٸمدەدٸ.
