ازىق-تٷلٸك كورپوراتسيياسىنىڭ رەسۋرستارىنا 769,4 مىڭ توننا كٶلەمٸندە استىق جەتكٸزۋگە كەلٸسٸمشارت جاسالدى. بۇل تۋرالى بٷگٸن ٷكٸمەت وتىرىسىندا قر اۋىل شارۋاشىلىعى مينيسترٸ ەربول قاراشٶكەەۆ ايتتى, دەپ حابارلايدى قازاقپارات.
«مەملەكەت باسشىسىنىڭ تاپسىرماسى اياسىندا بيىل ازىق-تٷلٸك كورپوراتسيياسى اۋىل شارۋاشىلىعى ٶنٸمدەرٸن فورۆاردتىق ساتىپ الۋدى جٷزەگە اسىردى. سونىڭ ارقاسىندا ازىق-تٷلٸك كورپوراتسيياسىنىڭ رەسۋرستارىنا 769,4 مىڭ توننا كٶلەمٸندە استىق جەتكٸزۋگە كەلٸسٸمشارت جاسالدى. اۋىل شارۋاشىلىعى تاۋارىن ٶندٸرۋشٸلەرمەن تولىقتاي ەسەپ ايىرىسۋ ٷشٸن ازىق-تٷلٸك كورپوراتسيياسى بيداي ساتىپ الۋ باعاسىن 3-سىنىپتى بيداي ٷشٸن ساپاسىنا قاراي 103-107 مىڭ تەڭگە ارالىعىندا, 4-سىنىپتى بيداي ٷشٸن 98 مىڭ تەڭگە, 2-سىنىپتى ارپا ٷشٸن 87 مىڭ تەڭگە مٶلشەرٸندە بەلگٸلەدٸ.
ونىڭ اتاپ ٶتۋٸنشە, ازىق-تٷلٸك كورپوراتسيياسىنىڭ ساتىپ الۋ باعالارى ٸشكٸ نارىقتاعى اعىمداعى باعالارعا سەيكەس كەلەدٸ. بۇل فەرمەرلەردٸڭ شىعىندارىن سالانىڭ ودان ەرٸ دامۋىن قامتاماسىز ەتەتٸن رەنتابەلدٸلٸك دەڭگەيٸمەن ٶتەۋگە مٷمكٸندٸك بەرەدٸ.
«ەدەتتەگٸدەي, ازىق-تٷلٸك كورپوراتسيياسىنىڭ ساتىپ الۋ باعاسى كەلٸسٸمشارتتار جاساسۋ كەزٸندە باعدار بولىپ سانالادى. وسىلايشا ەدٸل باعا بەلگٸلەۋ استىق باعاسىنىڭ كٷرت اۋىتقۋىن بولدىرماۋعا مٷمكٸندٸك بەرمەك», - دەدٸ ەربول قاراشٶكەەۆ.
