قازاقستاندىقتار شٸلدەنٸڭ 27-سٸنەن 28-ٸنە قاراعان تٷنٸ XXI عاسىرداعى ەرەكشە استرونومييالىق قۇبىلىس ايدىڭ تۇتىلۋى مەن مارستىڭ جەر بەتٸنە بارىنشا جاقىنداۋىن تاماشالادى. بۇل قۇبىلىستىڭ ادام ٶمٸرٸنە قالاي ەسەر ەتەتٸنٸن استرولوگ يرينا ابدرايموۆا ايتىپ بەردٸ, دەپ جازادى Sputnik اگەنتتٸگٸ.
استرولوگتىڭ ايتۋىنشا, ايدىڭ تولىق تۇتىلۋى كٷننٸڭ ەكٸ رەت جارتىلاي تۇتىلۋ قۇبىلىستارىنىڭ اراسىنا دٶپ تٷسٸپ وتىر. كٷننٸڭ بٸرٸنشٸ تۇتىلۋى 13 شٸلدەدە بولسا, ەكٸنشٸسٸ 11 تامىزدا بولادى.
"ايدىڭ تۇتىلۋى كٷردەلٸ سالدارلارعا ەكەپ سوعۋى مٷمكٸن, قارجىلىق قيىندىقتار, ادامنىڭ جەكە باسىندا پروبلەمالار تۋىندايدى. نەگٸزٸنەن بٸزدٸڭ ٸشكٸ جان دٷنيەمٸزگە ەسەر ەتەدٸ. ەسٸرەسە ەيەلدەرگە ىقپالى زور, جەكە جەنە وتباسىلىق, پسيحولوگييالىق جاعدايىنا ەسەرٸن تيگٸزەدٸ. جالپى اي ادامنىڭ بەيساناسىنا تٸكەلەي ىقپال جاسايدى, سول سەبەپتٸ سانامىزدىڭ قالتارىستارىندا تەرەڭ ساقتالعان قورقىنىش, ٷرەي مەن رەنٸشٸمٸزدٸ سىرتقا شىعارامىز. ٶتە سەزٸمتال بولا باستايمىز, ەسٸرەسە, ەيەلدەر جاعى. ادام بولماشى نەرسەنٸ كٶڭٸلٸنە الىپ, ٶكپەلەپ قالۋى مٷمكٸن. جالپى زورلىق-زومبىلىققا, ٶپشەندٸلٸككە, اشۋشاڭدىققا, شىدامسىزدىققا بەيٸم كەلەدٸ", — دەيدٸ يرينا ابدرايموۆا.
استرولوگتىڭ سٶزٸنە سٷيەنسەك, اي تۇتىلۋىنىڭ بالالارعا دا ىقپالى زور — بۇل كەزدە ولار تىم ەركە بولىپ, تٸل الماي, مازاسىزدانۋى مٷمكٸن.
سونىمەن بٸرگە, ادامداردىڭ باسىم كٶپشٸلٸگٸندە جٷيكە جەنە جٷرەك-قان تامىرى دەرتٸ قوزىپ كەتۋٸ دە ىقتيمال.
جالپى بۇل كەزەڭدە ادام ٶزٸنٸڭ ٶمٸرٸندە بولىپ جاتقان جايتتارعا ىقپال ەتە المايدى. جەكە ٶمٸرٸندە دە, تٸپتٸ جاھاندىق ساياسي مەسەلەلەر دە ادامنىڭ ەركٸنە باعىنبايتىن وقيعالار بولۋى مٷمكٸن. سول سەبەپتٸ مٸنەز-قۇلقىمىزدى ٶزگەرتٸپ, ٸشكٸ جان دٷنيەمٸزگە قاراي شەشٸم قابىلداۋىمىز كەرەك.
"ايدىڭ تۇتىلۋى, ەسٸرەسە, 24 جەنە 28 شٸلدە, قازان, قاڭتار, سەۋٸر ايلارىندا تۋعان ادامدارعا ەرەكشە ىقپال ەتەدٸ. بۇل ٶتە ماڭىزدى. الداعى 18 جىلعا تاعدىردى ٶزگەرتۋگە ايرىقشا مٷمكٸندٸك تۋادى. ەكٸ تۇتىلۋ اراسىنداعى كەزەڭ ادام تاعدىرىن ٶزگەرتۋگە ەڭ قولايلى مەرزٸم بولىپ سانالادى. ول ٷشٸن نىق شەشٸم قابىلداپ, شىن جٷرەكتەن نيەت ەتٸپ, بٷكٸل ەنەرگيياڭىزدى عارىشقا باعىتتاۋىڭىز كەرەك. سوندا الداعى 18 جىلدىق ٶمٸرٸڭٸز ٶزگەرەدٸ. زورلىق-زومبىلىق, ۇرىس-كەرٸستەن بويىڭىزدى اۋلاق ۇستاپ, اينالاڭىزداعىلارعا ماحاببات پەن مەيرٸم سىيلاڭىز. جاقىندارىڭىزعا كٶمەكتەسٸڭٸز. سوندا باقىتتى بولاسىز", — دەپ ويىن تٷيٸندەدٸ استرولوگ.
