2030 جىلعا قاراي ەلوردا تۇرعىندارىنىڭ سانى 2 ملن ادامعا جەتەدٸ. بۇل تۋرالى وتاندىق باق ٶكٸلدەرٸنە سۇحبات بەرگەن ەلباسى نۇرسۇلتان نازارباەۆ ايتتى, دەپ حابارلايدى "ۇلت اقپارات".
كەزدەسۋ بارىسىندا «ەگەمەن قازاقستان» گازەتٸنٸڭ باسقارما تٶراعاسى دارحان قىدىرەلٸ ەلباسىدان: «ٶزٸڭٸز اتاپ ٶتكەندەي, بيىلعى جىلدىڭ ەڭ باستى ايشىقتى وقيعاسى استانامىزدىڭ 20 جىلدىعىن جۇرت بولىپ جۇمىلىپ, اتاپ ٶتتٸك. ەلٸمٸزدٸڭ ەلورداسىنىڭ الار اسۋى ەلٸ الدا دەپ ەسەپتەيمٸز. ەل ەڭسەسٸن تٸكتەگەن ەلوردامىزدىڭ دامۋ بارىسىندا, سٸزدٸڭ پٸكٸرٸڭٸزشە, قانداي ەرەكشەلٸكتەردٸ ايرىقشا اتاپ ٶتەر ەدٸڭٸز?», - دەپ سۇرادى.
«مۇنىڭ ەڭ تەرەڭ استارىن تٷسٸنەتٸن ۋاقىت كەلدٸ. ەڭ باسىندا بٸز مۇنى ايتا المادىق, جاعداي ەرتٷرلٸ بولدى. ەلدٸڭ ٸشٸندە جۇرتىمىزدىڭ ٶزٸ بٸرىڭعاي ەمەس ەدٸ. سول كەزدەگٸ دەپۋتاتتاردىڭ اراسىندا بٸزدٸڭ ۇلتتىڭ سانى ازداۋ بولدى. بٸر جاعىنان سونىڭ بەرٸن ەسكەرٸپ, ەكٸنشٸ جاعىنان قيىن-قىستاۋ جاعدايدا ەلگە جاڭا جول سٸلتەۋ ٷشٸن وسىنداي جاڭالىق كەرەك بولدى. ەرينە, مەن باستاعان كەز ٶتە قيىن ەدٸ», - دەپ ەسكە الدى مەملەكەت باسشىسى.
ەلباسى ەلوردامىزدى كٶشٸرەر الدىندا ٶزگە مەملەكەتتەردٸڭ استانانى اۋىستىرۋ تاريحىنا جٸتٸ نازار اۋدارعانىن باسا ايتتى.
«قازاقستاننىڭ دەل كٸندٸك ورتاسى - جەزقازعان. جەزقازعاندى ٶزدەرٸڭٸز دە بٸلەسٸزدەر, باسىندا ول جەرگە دە, ۇلىتاۋعا دا باردىم. ەش نەرسە جوق. جول دا, تەمٸر جول دا, ەنەرگەتيكا دا, ەشتەڭە دە جوق. قاراعاندىنى دا قارادىم. 20 جىلداي تەمٸرتاۋدا جۇمىس ٸستەدٸم, جاقسى بٸلەمٸن. كٶمٸردٸڭ ورتاسىنا, ەكولوگيياسى قيىن جەرگە اپارۋ قيسىنسىز. سۋى دا جوق. كٶكشەتاۋعا بارساق, شەتكە شىعىپ كەتەمٸز. اقتٶبەگە بارساق باتىسقا كەتٸپ قالامىز. سوندىقتان ويلانا كەلە 4 جولدىڭ تورابى رەتٸندە اقمولانى تاڭدادىق. دەگەنمەن, بولارى بولدى, استانا قۇرىلدى. قازٸر دالادا 20 گرادۋس اياز بولىپ تۇر عوي. ونىڭ ەشقانداي جامانشىلىعى جوق. بٸر جەردە ىستىق, بٸر جەردە سۋىق. ٶزٸمٸزدٸڭ ەلٸمٸز, جەرٸمٸز. قازاقستاننىڭ تٶرٸ, سارىارقانىڭ ورتاسى, اتا-بابامىزدىڭ تابانى تيگەن, قونىستانىپ, مالىن ٶرٸستەتكەن جەرٸ», - دەدٸ قر پرەزيدەنتٸ.
نۇرسۇلتان نازارباەۆ ەل استاناسىن سارىارقا تٶرٸنە اۋىستىرۋدىڭ پايداسى وراسان بولعاندىعىن باسا ايتتى.
«حالىق كٶپ قونىستانعان وڭتٷستٸكتەن سولتٷستٸككە قاراي كٶشٸ-قون كٷشەيدٸ. بۇل جاقتا جەر دە, جۇمىس تا بار. ال ول جاقتا جەر دە, جۇمىس تا جوق. قازٸر دە كٶشٸپ جاتىر. قازٸر تٷركٸستان وبلىس ورتالىعى بولعاننان كەيٸن استانانىڭ تۇرعىندارى «ەندٸ شىمكەنتتٸكتەر تٷركٸستانعا باراتىن بولدى عوي» دەپ قالجىڭدايتىن كٶرٸنەدٸ», - دەدٸ ەلباسى.
قر پرەزيدەنتٸنٸڭ دەرەگٸنشە, بٷگٸندە استانا تۇرعىندارىنىڭ سانى 1,2 ميلليوندى قۇرايدى. ال 2030 جىلعا قاراي 2 ملن ادامعا جەتۋٸ ىقتيمال.
«جالپى مەن ۆاشينگتون سيياقتى 5-8 قاباتتى ٷيلەرٸ بار, تەك شەنەۋنٸكتەر عانا تۇراتىن قالا بولسا دەپ ويلاپ ەدٸم. مىنا كەڭ دالادا بيٸگٸرەك ٷي بولماسا, ەشتەڭە كٶرٸنبەي قالادى. سوندىقتان, سەۋلەتشٸلەر بوي بەرمەي, كٶتەرەيٸك دەپ سالدى. قازٸر 230 مەترلٸك «ەبۋ دابي» سالىنىپ جاتىر. ول پوستكەڭەستٸك كەڭٸستٸكتەگٸ ەڭ بيٸك عيمارات بولماق», - دەدٸ مەملەكەت باسشىسى.
