ەلوردادا باسپاناعا مۇقتاج 200 مۇعالٸم جاتاقحاناعا ورنالاستىرىلادى. بۇل تۋرالى بٷگٸن استانا قالالىق بٸلٸم باسقارماسىنىڭ باسشىسى ەنۋار جانعوزين ايتتى, دەپ حابارلايدى قازاقپارات تٸلشٸسٸ.
«بٸرٸنشٸ جاتاقحانا تاياۋ ارالىقتا پايدالانۋعا بەرٸلەدٸ. بٸز شامامەن 200 مۇعالٸمدٸ ورنالاستىرامىز دەپ جوسپارلاپ وتىرمىز. قازٸر ٶتٸنٸمدەر جيناقتالىپ جاتىر, وعان قايتادان كەلگەن مۇعالٸمدەر دە قوسىلادى. ارنايى قۇرىلعان كوميسسييا قۇرامىنا قوعام, تٷرلٸ ورگان ٶكٸلدەرٸ كٸرەدٸ. بۇل جاتاقحانا ورىندارىن بارىنشا ەدٸل بٶلۋ ٷشٸن جاسالعان», - دەدٸ باسقارما باسشىسى.
سونىمەن قاتار ول ەلوردادا باعاسى قولجەتٸمدٸ, ساپاسى جوعارى حوستەلدەردٸڭ بار ەكەندٸگٸن اتاپ ٶتتٸ. ولارعا ٶڭٸرلەردەن جاڭادان كەلگەن جاس مۇعالٸمدەردٸ ورنالاستىرۋعا مٷمكٸندٸك بار.مۇنان بٶلەك, باسقارما باسشىسى ستۋدەنتتەردٸ حوستەلدەرگە جايعاستىرۋ مەسەلەسٸنە توقتالدى.
«اعىمداعى جىلى ەكٸم باستاماسىمەن ستۋدەنتتەردٸڭ تۇرۋى ٷشٸن حوستەلدەردٸ ٸرٸكتەۋ جٷرگٸزٸپ جاتىرمىز. بٸرٸنشٸ ٸرٸكتەۋدٸ ٶتكٸزدٸك. ۇسىنىلعان 5000 ورىننان كوميسسييا 4 مىڭىن ٸرٸكتەپ الدى. بۇل بٸزدٸڭ قاجەتتٸلٸگٸمٸزدٸ تولىقتاي جابا المايدى. سوندىقتان تاياۋ ۋاقىتتا بايقاۋ جارييالانادى. بارلىق حوستەلدەر مەن قوناق ٷي ٷيلەرٸن بايقاۋعا قاتىسۋعا شاقىرامىز», - دەدٸ ەنۋار جانعوزين.
