فوتو: اقوردا
اقوردادا ەلٸمٸزگە رەسمي ساپارمەن كەلگەن چەح رەسپۋبليكاسىنىڭ پرەمەر-مينيسترٸ اندرەي بابيشتٸ قارسى الۋ رەسٸمٸ ٶتتٸ, دەپ حابارلايدى Ult.kz.
مەملەكەت باسشىسى قاسىم-جومارت توقاەۆ پەن چەحييا پرەمەر-مينيسترٸ اندرەي بابيش شاعىن قۇرامدا كەلٸسسٶز جٷرگٸزدٸ.
قاسىم-جومارت توقاەۆ اندرەي بابيشكە ٸلتيپات بٸلدٸرٸپ, قازاقستان جۇرتشىلىعى ونى چەح رەسپۋبليكاسىندا عانا ەمەس, ەۋروپاعا بەلگٸلٸ ساياسي قايراتكەر رەتٸندە جاقسى بٸلەتٸنٸن جەتكٸزدٸ.
– ەكٸ ەل اراسىندا بۇرىننان تىعىز ەرٸ دوستىق قارىم-قاتىناس ورناعان. ساۋدا-ساتتىق تابىستى دامۋدا. قوس حالىقتىڭ بٸر بٸرٸنە قۇرمەتٸ زور. ٸرٸ حالىقارالىق قۇرىلىمدار شەڭبەرٸندە بٸرلەسە ەرەكەت ەتٸپ كەلەمٸز. بۇل – ٶتە ماڭىزدى. ەلشٸلٸكتەرٸمٸز بەلسەندٸ جۇمىس ٸستەپ تۇر. ورايلى سەتتٸ پايدالانا وتىرىپ, ٶزٸڭٸزبەن بٸرگە چەح كەسٸپكەرلەرٸنەن قۇرالعان ٷلكەن دەلەگاتسييا الىپ كەلگەنٸڭٸز ٷشٸن العىس ايتامىن. كەشە استانادا بيزنەس-فورۋم ٶتتٸ. ونىڭ نەتيجەسٸ ەلدەرٸمٸزگە پايدالى بولادى دەپ ويلايمىن. ٶز تاراپىمنان سان قىرلى ىنتىماقتاستىعىمىزدى ودان ەرٸ دامىتۋعا بار كٷشٸمدٸ سالامىن, – دەدٸ پرەزيدەنت.
اندرەي بابيش قوناقجايلىق تانىتقانى ٷشٸن قاسىم-جومارت توقاەۆقا ريزاشىلىعىن بٸلدٸرٸپ, ەلٸمٸزدٸڭ تٷرلٸ سالادا جەتكەن جەتٸستٸكتەرٸنە جوعارى باعا بەردٸ.
– قازاقستان – ورتالىق ازيياداعى اسا ماڭىزدى مەملەكەت. سوندىقتان وسىناۋ عاجاپ ەلگە ساپارمەن كەلۋ – مەن ٷشٸن زور مەرتەبە. جاقىندا جاڭا كونستيتۋتسييا قابىلدادىڭىزدار. قۇتتى بولسىن! سٸزدەردٸڭ بۇل باعىتتاعى تەجٸريبەلەرٸڭٸز بٸزگە دە پايدالى بولادى دەپ ەسەپتەيمٸن. قازاقستانعا كەلۋ كٶپتەن بەرگٸ ارمانىم ەدٸ. ٶيتكەنٸ مەن ۋنيۆەرسيتەتتٸ اياقتاعاننان كەيٸن, ياعني, 1978 جىلى شىمكەنت جەنە جامبىل (تاراز) قالالارىمەن ٶزارا بايلانىس ورناتقان دەپارتامەنتتە جۇمىس ٸستەدٸم. قازاقستان – ەنەرگەتيكا سالاسىندا اسا ٷلكەن ورنى بار ەل, ەلەمدەگٸ ۋران ٶندٸرەتٸن ٸرٸ مەملەكەتتەردٸڭ قاتارىنا كٸرەدٸ. بٷگٸندە اتوم ەلەكتر ستانتسييالارىنىڭ ماڭىزى ارتا تٷستٸ. سول سەبەپتٸ وسى سالادا كەلٸسٸمگە كەلگەنٸمٸزگە قۋانىشتىمىن. قازاقستاننىڭ جاساندى ينتەللەكت باعىتىنداعى جەتٸستٸكتەرٸ تاڭقالارلىق. ەكٸ ەلگە ورتاق دٷنيە كٶپ. چەحييا مەن قازاقستان ٷكٸمەتتەرٸ ٶزارا ىنتىماقتاستىقتى ودان ەرٸ ٸلگەرٸلەتۋ ٷشٸن ايانباي ەڭبەك ەتەدٸ دەپ ويلايمىن, – دەدٸ ول.
