پارلامەنت مەجٸلٸسٸندەگٸ «اق جول» فراكتسيياسىنىڭ دەپۋتاتتارى «استاناەنەرگوسەرۆيس» اق-نىڭ نەگٸزسٸز تٶلەمدەرٸن ٶندٸرٸپ الۋدى ۇسىندى, دەپ حابارلايدى قازاقپارات.
دەپۋتات 2019 جىلدىڭ 19 ماۋسىمىندا «اق جول» فراكتسيياسىنىڭ «استاناەنەرگوسەرۆيس» اق زاڭسىز قىزمەتٸ تۋرالى دەپۋتاتتىق ساۋال جولداعانىن ەسكە سالدى.
«بۇل ساۋالدا «استاناەنەرگوسەرۆيستٸڭ» تۇتىنۋشىلارعا نەگٸزسٸز سالماق سالىپ كەلگەنٸن ايتقان ەدٸك. ولار ەشتەڭە ٶندٸرمەستەن, ەلوردانىڭ ەنەرگەتيكالىق كەسٸپورىندارىن باسقارۋمەن اينالىستى. بۇل كومپانييانىڭ ەڭبەكاقى تٶلەۋ قورى 600 ملن تەڭگەنٸ قۇراعان, سىياقى مەن بونۋستاردى قوسپاعاندا كەيبٸر باسشىلاردىڭ جالاقىسى 1,5 ملن تەڭگەگە دەيٸن تٶلەنگەن. ودان بٶلەك كەڭسە, قىزمەتتٸك اۆتوكٶلٸكتەر بار. بۇل «بانكەت» مىڭداعان تۇرعىنداردىڭ ەسەبٸنەن كٶرٸنبەيتٸن تاريفتەر ارقىلى جالعاسىپ كەلگەن», - دەدٸ م. قازبەكوۆا قر ۇلتتىق ەكونوميكا مينيسترٸنە جولدانعان ساۋالىندا.
دەپۋتات نۇر-سۇلتان قالاسى ەكٸمٸنٸڭ كومپانييانىڭ جابۋ تۋرالى شەشٸمٸن جەنە ودان 1 ملرد تەڭگە قارجى ٷنەمدەلەتٸنٸن ەسكە سالدى.
«دەمەك, «استاناەنەرگوسەرۆيس» 20 جىل بويى حالىقتان نەگٸزسٸز تٶلەم الىپ كەلگەن. سوندىقتان, «اق جول» فراكتسيياسىنىڭ دەپۋتاتتارى بارلىق ٶڭٸرلەرگە تالداۋ جاساپ, حالىقتىڭ «موينىندا وتىرعان» كومپانييالاردى انىقتاۋى تيٸس. ونداي ۇيىمداردى جاۋىپ, تۇتىنۋشىلارعا كوممۋنالدىق تٶلەمدەرٸنٸڭ بٸر بٶلٸگٸ قايتارىلۋى تيٸس», - دەدٸ ول.
ايتا كەتەيٸك, «استانا» ەلەۋمەتتٸك-كەسٸپكەرلٸك كورپوراتسيياسىنىڭ 10 كەسٸپورىنى جابىلادى. نۇر-سۇلتان ەكٸمٸ التاي كٶلگٸنوۆتىڭ ايتۋىنشا, «استاناەنەرگوسەرۆيس» اق جابۋدان جىلىنا 1 ملرد تەڭگە ٷنەمدەلەدٸ. ٷنەمدەلگەن قاراجات قىستىق تەحنيكا الۋعا جۇمسالادى.
