نۇر-سۇلتان قالاسىن جىلۋ جەنە ەلەكتر ەنەرگيياسىمەن ٶكٸلەتتٸ ورگاننىڭ رەتتەۋٸ ارقىلى جابدىقتايتىن «استاناەنەرگوسبىت» كومپانيياسى ەلەكتر قۋاتىنىڭ بٶلشەك ساۋداداعى تاريفٸن 7 پايىزعا ٶسٸرۋدٸ سۇراپ جٷر. بٷگٸن قالالىق تابيعي مونوپولييالاردى رەتتەۋ دەپارتامەنتٸندە وسى مەسەلەگە بايلانىستى قوعامدىق تىڭداۋ ٶتتٸ, دەپ حابارلايدى قازاقپارات.
بٶلشەك ساۋداداعى ەلەكتر تاريفٸن كٶتەرۋ تۋرالى ۇسىنىستىڭ نەدەن پايدا بولعانىن «استاناەنەرگوسبىت» جشس باس ديرەكتورىنىڭ ەكونوميكا جەنە قارجى جٶنٸندەگٸ ورىنباسارى جاننا گيسلەر تٷسٸندٸردٸ.
ونىڭ مەلٸمەتٸ بويىنشا, شەكتٸ باعانى ۇلعايتۋ تۋرالى ٶتٸنٸشپەن شىعۋعا مىناداي فاكتورلار سەبەپ بولعان:
- ەنەرگييا بەرۋشٸ ۇيىمدار تاريفتەرٸنٸڭ ٶسۋٸ;
- جاڭارتىلاتىن ەنەرگييا كٶزدەرٸن قولداۋعا ٷستەمەاقىنىڭ ٶسۋٸ;
- ەلەكتر قۋاتىنىڭ دايىندىعىن قامتاماسىز ەتۋ بويىنشا قىزمەت قۇنىنىڭ ٶسۋٸ;
- 2021 جىلعا سارالانعان تاريفتەردٸ قولدانۋدان الىنباعان كٸرٸس;
- 2020-2021 جىلداردا ەلەكتر ەنەرگيياسى منە قۋاتتاردى ساتىپ الۋ جەنە تاسىمالداۋ بويىنشا بەكٸتٸلگەن باعا مەن ناقتى باعانىڭ ايىرماشىلىعىنا بايلانىستى تۋىنداعان شىعىندار.
جاننا گيسلەر اتالعان ەر سەبەپكە قىسقاشا توقتالىپ ٶتتٸ. ايتۋىنشا, بيىل 1 قىركٷيەكتەن باستاپ 1 كۆت/ساع ەلەكتر قۋاتىن تۇتىنعانى ٷشٸن الىناتىن تٶلەمنٸڭ شەكتٸ تاريفٸ 19,84 تەڭگە بولىپ بەكٸتٸلگەن. كەسٸپورىن ەندٸ سونى 21,13 تەڭگەگە دەيٸن كٶتەرۋدٸ سۇراپ وتىر. ياعني, ٶسٸم ورتا ەسەپپەن 7% نەمەسە +1,29 تەڭگە بولادى دەگەن سٶز.
«بٸرٸنشٸدەن, ەلەكتر ەنەرگيياسىن ساتىپ الۋدىڭ ورتاشا باعاسى 1 كۆت/ساع ەنەرگييا ٷشٸن 0,03 تەڭگەگە نەمەسە 0,04% قىمباتتادى. ال جاڭارتىلاتىن ەنەرگييا كٶزدەرٸن قولداۋعا ارنالعان ٷستەمەاقى تاريفٸ 1,57 تەڭگەدەن 1,58 تەڭگەگە نەمەسە 0,6% ٶستٸ. تەك ەلەكتر ەنەرگيياسىن ٶندٸرۋدٸڭ شەكتٸ تاريفتەرٸ ٶزگەرٸسسٸز قالدى. ەكٸنشٸدەن, ەلەكتر قۋاتىنىڭ دايىندىعىن قامتاماسىز ەتۋ قىزمەتتەرٸنٸڭ قۇنى 3% نەمەسە 1 مۆت ەلەكتر قۋاتى ٷشٸن 692,3 مىڭ تەڭگەدەن 711,4 مىڭ تەڭگەگە دەيٸن ٶستٸ. ٷشٸنشٸدەن, ەنەرگييا بەرۋشٸ ۇيىمدار تاريفتٸ ٶسٸرٸپ, سونىڭ ەسەرٸنەن تاسىمالداۋ تاريفٸ ورتا ەسەپپەن 1 كۆت/ساع ەنەرگييا ٷشٸن 0,63 تەڭگەگە نەمەسە 8% قىمباتتادى», - دەدٸ «استاناەنەرگوسبىت» كومپانيياسىنىڭ ٶكٸلٸ.
جالپى مەلٸمەتتەن جالقىعا ويىسساق, مىناداي احۋال قالىپتاسىپ وتىر. ەلەكتر جەلٸلەرٸنە قىزمەت كٶرسەتەتٸن «استانا-اەك» اق تاريفٸ 1 كۆت/ساع ەنەرگييا ٷشٸن 6% نەمەسە 4,23 تەڭگەدەن 4,50 تەڭگەگە دەيٸن ٶسٸرگەن. ال «اقمولا ەلەكتروجەلٸلٸك ٷلەستٸرۋ كومپانيياسى» اق تاريفٸن 6% نەمەسە 5,08-دەن 5,36 تەڭگەگە دەيٸن كٶتەرگەن.
«كەگوك» اق تاريفٸ 15% نەمەس 2,448-دەن 2,811 تەڭگەگە دەيٸن ارتقان.
تەڭگەرٸمدەۋشٸ ەلەكتر ەنەرگيياسىنىڭ شەكتٸ تاريفٸ 19% نەمەسە 0,086-دان 0,102 تەڭگەگە ٶسكەن.
«تۇتىنۋشىلاردان پايدالانعان ەنەرگييانىڭ كٶلەمٸنە بايلانىستى بەكٸتٸلگەن سارالانعان تاريف بويىنشا 2021 جىلى قوسىمشا 495,7 ملن تەڭگەنٸڭ كٸرٸسٸ الىنباي قالدى. ال ەلەكتر ەنەرگيياسىن ساتىپ الۋ جەنە تاسىمالداۋ بويىنشا بەكٸتٸلگەن باعا مەن نارىقتا ناقتى قالىپتاسقان باعانىڭ ايىرماشىلىعىنان 884,9 مىڭ تەڭگە شىعىن كەلدٸ. بۇل جەردە 2018-2020 جىلدار ارالىعىنداعى شىعىندى ايتىپ وتىرمىز», - دەدٸ جاننا گيسلەر.
وسىلاردى العا تارتقان «استاناەنەرگوسبىت» كومپانيياسى سارالانعان تاريفتٸ 2022 جىلدىڭ قاڭتارىنان باستاپ مىناداي كٶلەمدە بەكٸتۋدٸ ۇسىنىپ وتىر:
- قاراپايىم تۇرعىندار ٷشٸن 1 كۆت/ساع ەلەكتر ەنەرگيياسىنىڭ قۇنىن 14,54 تەڭگە ەتۋ (+7%);
- بيۋدجەتتٸك ۇيىمداردان باسقا زاڭدى تۇلعالار ٷشٸن 21,13 تەڭگە ەتۋ (-6%);
بيۋدجەتتٸك ۇيىمدار ٷشٸن 85,89 تەڭگە ەتۋ (+35,89 تەڭگە).
نۇر-سۇلتان قالاسى تابيعي مونوپولييالاردى رەتتەۋ دەپارتامەنتٸنٸڭ باسشىسى بولات تانابەرگەنوۆ اتالعان ٶتٸنٸم بويىنشا ناقتى شەشٸم ەلٸ شىقپايتىنىن ەسكەرتتٸ.
«1 قىركٷيەكتەن باستاپ «استاناەنەرگوسبىت» كەسٸپورنىنا 19 تەڭگە 80 تيىن شەكتٸ تاريف بەكٸتٸلگەن. ونى 2022 جىلدىڭ 1 قاڭتاردان باستاپ 6,5 پايىز كٶتەرۋدٸ سۇراپ وتىر. ٶتٸنٸم قارالۋدا. جاڭا جىلدان باستاپ تاريف ٶسەدٸ دەپ ناقتى ايتا المايمىز. ناقتى شەشٸم جىل اياعىنا دەيٸن قابىلدانادى. بٷگٸنگٸ تالقىلاۋدا ايتىلعان ەسكەرتۋلەر مەن ۇسىنىستاردىڭ بەرٸ شەشٸم شىعارار كەزدە ەسكەرٸلەدٸ», - دەدٸ دەپارتامەنت باسشىسى.
نۇر-سۇلتان قالاسىنىڭ اۋماعىندا «استاناەنەرگوسبىت» جشس-دان باسقا 10-نان استام ەنەرگييا ٶتكٸزۋ كومپانيياسى جۇمىس ٸستەيدٸ. بٸراق ولاردىڭ قىزمەتٸن تابيعي مونوپولييالاردى رەتتەۋ ورگانى رەتتەمەيدٸ. دەگەنمەن مەملەكەت «استاناەنەرگوسبىت» جشس-نىڭ تاريفٸن رەتتەۋ ارقىلى جالپى نارىقتاعى باعانى باقىلاپ وتىر دەۋگە بولادى.
