"استانا" مەديتسينالىق ۋنيۆەرسيتەتٸنەن شىعارىلعان ستۋدەنتتەر وقيعانىڭ قالاي بولعانىن ايتىپ بەردٸ, - دەپ حابارلايدى Tengrinews.kz تٸلشٸسٸ.
"بٸز ەكٸ جىل بۇرىن وقۋعا تٷسكەن ەدٸك. ەمتيحاندى ٶزٸمٸز تاپسىردىق. ۋنيۆەرسيتەتتە IELTS تاپسىرعاندارعا باسىمدىق بەرٸلەدٸ. وسىدان كەيٸن بٸز الاياقتارعا تاپ بولدىق. سەرتيفيكاتتىڭ جالعان ەكەنٸن بٸز بٸلمەدٸك. تٸركەلمەگەن سەرتيفيكاتتاردىڭ تٸزٸمٸندە ٶز اتى-جٶنٸمٸزدٸ كٶرگەندە تاڭعالدىق. ۋنيۆەرسيتەت بٸزدٸڭ ٸستٸ ٸٸد-گە تاپسىردى. بٸزدٸ 18 سەۋٸردە كەشكٸ ۋاقىتتا وقۋدان شىعاردى. بۇل كٷنٸ بٸز كەشەندٸ مەملەكەتتٸك ەمتيحان تاپسىرعان ەدٸك. بٸزگە ديسسەرتاتسييانى قورعاۋ عانا قالعان. سوت پەن تەرگەۋسٸز شىعارىپ جٸبەردٸ", - دەدٸ ەكٸنشٸ كۋرس ماگيستراتۋراسىندا وقىعان الەنا ەسٸمدٸ ستۋدەنت.
ونىڭ ايتۋىنشا, ٶزٸ دە, قۇربىلارى دا ۋنيۆەرسيتەتكە وقۋعا ەكٸنشٸ رەت تاپسىرىپ بٸراق ٶتكەن. 2015 جىلى ولاردىڭ IELTS سەرتيفيكاتى بولماعان, سوندىقتان گرانتقا ٸلٸگە الماعان.
"بٸز IELTS سەرتيفيكاتىن بٸر ەيەلدەن الدىق, ول بٸزگە ٶزٸ حابارلاستى. بٸز وقۋعا بارىپ جٷردٸك, كەيٸن ەمتيحان تاپسىرىپ, سەرتيفيكات الدىق", - دەپ تٷسٸندٸردٸ الەنا.
الەنانىڭ اتى-جٶنٸن اتاعىسى كەلمەگەن قۇربىسى IELTS تاپسىرۋ الدىندا ەيەلدٸڭ بارلىق قۇجاتىن تەكسەرگەنٸن جەنە ەشقانداي دا كٷمەن بولماعانىن ايتىپ وتىر. ستۋدەنتتەر كٷزدە پوليتسيياعا شاقىرتىلعان.
"سول كەزدە بٸزدە "قورعانۋعا قۇقىعى بار تەرگەۋشٸ" ستاتۋسىمىز بولدى. قىركٷيەكتە مە, قازاندا ما بٸزدەن جاۋاپ الىندى. ٸٸد-گە ەيەلدٸڭ سۋرەتٸن تانۋعا باردىق. سەرتيفيكات بەرگەن ەيەلدٸ تانىدىق. باسقا ەشتەڭە بٸلمەيمٸز. تەرگەۋشٸگە بٸرنەشە رەت حابارلاسىپ كٶردٸم, بٸراق سٶندٸرۋلٸ", - دەيدٸ الەنا.
ۋنيۆەرسيتەت ٶكٸلدەرٸ وقۋعا تەك سوت ارقىلى عانا قايتا قابىلدانۋعا بولاتىنىن ايتىپتى. جوو باسشىلىعى, ستۋدەنتتەردٸڭ ايتۋىنشا, ولاردىڭ اعىلشىن تٸلٸ بويىنشا كەشەندٸ تەست تاپسىرۋىنا كەلٸسٸم بەرٸپ وتىر ەكەن.
وسىعان دەيٸن "استانا" ۋنيۆەرسيتەتٸنە تٷسۋ ٷشٸن IELTS سەرتيفيكاتىن "ساتىپ العان" ستۋدەنتتەردٸڭ وقۋدان شىعارىلعانى حابارلانعان ەدٸ. بٸلٸم جەنە عىلىم مينيسترلٸگٸ جٷرگٸزگەن تەكسەرٸستەردٸڭ نەتيجەسٸندە بازادا تٸركەلمەگەن 117 سەرتيفيكاتتىڭ بار ەكەنٸ انىقتالعان.
جالعان سەرتيفيكات ساتىپ العان ستۋدەنتتٸڭ بەرٸ وقۋدان كٷزدە شىعارىلۋى تيٸس بولعان. بٸراق سوتتىڭ بۇل شەشٸمٸ ۋاقتىلى ورىندالماعان. مۇنداي جاعدايدا مەديتسينا ماماندارىن دايارلايتىن وقۋ ورداسى ليتسەنزيياسىنان ايىرىلۋى دا مٷمكٸن.
كەيٸن قازاقستاننىڭ بٸلٸم جەنە عىلىم مينيسترٸ ەرلان ساعاديەۆ "استانا" مەديتسينالىق ۋنيۆەرسيتەتٸندە شىققان شۋعا قاتىستى پٸكٸر بٸلدٸرگەن ەدٸ.
"بىلتىر بٸلٸم ساپاسىن باقىلايتىن كوميتەتٸمٸز وسى ۋنيۆەرسيتەتتٸ تەكسەرگەن بولاتىن. ولار وسى ستۋدەنتتەردٸ ساباقتان بوساتۋ تۋرالى بۇيرىق بەردٸ. دەگەنمەن بۇل بۇيرىقتاعى كەيبٸر تالاپتار عانا ورىندالدى. ستۋدەنتتەردٸڭ بٸر بٶلٸگٸ سوتقا شاعىمداندى, ٶزدەرٸنٸڭ قۇقىقتارىن قورعاپ جاتىر. بٸراق بۇيرىق قانداي جاعداي بولسىن ورىندالۋى تيٸس. ۋنيۆەرسيتەتتٸڭ ولاردى وقۋدان شىعارعانى دۇرىس. ەندٸ بٸز دەنساۋلىق ساقتاۋ مينيسترلٸگٸمەن جەنە ۋنيۆەرسيتەتپەن بٸرٸگە وتىرىپ, كەلٸسۋ كوميسسيياسىن ۇيىمداستىرىپ, ەرٸ قاراي ستۋدەنتتەردٸڭ جەنە ۋنيۆەرسيتەت ٶكٸلدەرٸنٸڭ قۇقىقتارىنا قاتىستى مەسەلەلەردٸ قاراستىرۋىمىز كەرەك", - دەگەن ەدٸ ساعاديەۆ جۋرناليستەردٸڭ سۇراقتارىنا جاۋاپ بەرە وتىرىپ.
