استانادا تۋبەركۋلەزگە شالدىققان ەربٸر تٶرتٸنشٸ ادامنىڭ تابىسى كٷنكٶرٸس دەڭگەيٸنەن تٶمەن. بۇل تۋرالى قوعامدىق دەنساۋلىق ساقتاۋ باسقارماسىنىڭ باسشىسى قامالجان نەدٸروۆ مەسليحات وتىرىسىندا ايتتى, دەپ حابارلايدى "ۇلت اقپارات" ەلوردا ينفو سايتىنا سٸلتەمە جاساپ.
«بىلتىرعى جىلى تۋبەركۋلەز اۋرۋىنا شالدىققانداردىڭ 67% ەكونوميكالىق بەلسەندٸ جاستاعىلار بولىپ شىقتى. ونىڭ ٸشٸندە اۋرۋ جۇقتىرعانداردىڭ ەربٸر بەسٸنشٸسٸ استاناعا ٶتكەن جىلى كەلگەندەر, سونداي-اق ەربٸر ەكٸنشٸسٸنٸڭ تۇراقتى جۇمىسى جوق, ەربٸر تٶرتٸنشٸسٸنٸڭ تابىسى كٷنكٶرٸس دەڭگەيٸنەن تٶمەن. سونىمەن قاتار, ولاردىڭ جارتىسىنان استامىندا جەكە باسپانالارى جوق, ياعني جالدامالى ٷيدە تۇرادى», - دەدٸ ول.
وسىلايشا, تۋبەركۋلەزبەن اۋىراتىنداردىڭ 76,6% تۇرمىستىق جاعدايىن تٶمەن ەكەندٸگٸ انىقتالدى. فليۋرو تەكسەرۋدٸڭ نەتيجەسٸ بويىنشا, اتالعان توپتاعىلار اراسىندا تۋبەركۋلەز قاۋپٸنٸڭ جوعارىلىعى بايقالىپ وتىر.
«جىل سايىنعى تەكسەرۋ انىقتاعانداي, 10 مىڭ ادامنىڭ اراسىندا تۋبەركۋلەزگە شالدىعۋدىڭ 7-9 جاعدايى انىقتالادى. ال قاۋٸپتٸ توپتاعىلار اراسىندا 10 مىڭ ادامنىڭ اراسىندا 27 جاعداي راستالدى. بۇل, 2017 جىلمەن سالىستىرعاندا 2,3 ەسەگە كٶپ. ٶتكەن جىلدىڭ قورىتىندىسىنا كەلسەك, تۋبەركۋلەز بويىنشا تەكسەرٸلگەن قاۋٸپتٸ توپتاردىڭ ٸشٸندە مىڭ ادامعا شاققاندا 19,8% - بۇرىن سوتتالعاندار, 17,6% - قاڭعىباستار, 4,9% ايتۆ اۋرۋىنا شالدىققاندار بولىپ شىقتى. سول سيياقتى ٸشٸمدٸكتٸ جيٸ قولداناتىن جاندار اراسىندا دا تۋبەركۋلەز قاۋپٸ جوعارى», - دەيدٸ ق.نەدٸروۆ.
ودان بٶلەك, قاۋٸپتٸلٸگٸ جوعارى توپقا جاتپايتىندار اراسىندا, تەكسەرٸلگەن مىڭ ادامنىڭ 0,7-سٸنەن اتالعان اۋرۋ بەلگٸسٸ انىقتالدى.
سونداي-اق اتاپ ٶتٸلگەندەي, استانادا اتالمىش سىرقاتتان كٶز جۇماتىندار سانى ارتتى.
بۇل ٷردٸس تۋبەركۋلەزگە قارسى جاڭا ديسپانسەردٸڭ اشىلۋىمەن ەلورداعا ٶزگە ٶڭٸرلەردەن كٶشٸپ كەلۋشٸلەر سانىنىڭ ارتۋىمەن تٷسٸندٸرٸلۋدە.
«ٶتكەن جىلى 29 ادام تۋبەركۋلەزدەن كٶز جۇمدى. ولاردىڭ 10-ى استاناعا 2-3 ايدىڭ كٶلەمٸندە كٶشٸپ كەلگەن. اۋرۋحاناعا جاتقىزۋ كەزٸندە جاعدايلارى اۋىر بولعان», - دەپ تٷسٸندٸردٸ كامالجان نادىروۆ.
دەگەنمەن, ەلوردادا سوڭعى 10 جىلدا تۋبەركۋلەزگە شالدىعۋ 4,5 ەسەگە ازايعان. مەسەلەن, 2008 جىلى 100 مىڭ ادامعا شاققاندا - 125,1, 2018 جىلى 48,1 بولعان. ٶتكەن جىل ٸشٸندە سىرقاتتانۋ 2017 جىلمەن سالىستىرعاندا 10,2 پايىزعا تٶمەندەگەن.
