بٷگٸن استانادا راقىمجان قوشقارباەۆقا ارنالعان ەسكەرتكٸشتٸڭ رەسمي اشىلۋى ٶتتٸ. 1945 جىلى قازاق جاۋىنگەرٸ رەسەيلٸك گريگوريي بۋلاتوۆپەن بٸرگە قىزىل ەسكەر قۇرامىندا بٸرٸنشٸ بولىپ رەيحستاگقا جەڭٸس تۋىن تٸككەن. بۇل تۋرالى قازاقپارات جازدى.
11 مەترلٸك مونۋمەنت ب.مومىشۇلى مەن ر. قوشقارباەۆ داڭعىلدارىنىڭ قيىلىسىندا ورنالاسقان, دەپ حابارلادى استانا قالاسىنىڭ مەدەنيەت, مۇراعاتتار جەنە قۇجاتتاما باسقارماسىنان. جوباعا سەيكەس, مٷسٸندٸك كومپوزيتسييانىڭ بيٸكتٸگٸ - 6 مەتر, ال گرانيت تۇعىردىڭ بيٸكتٸگٸ - 4,5 مەتر. ەسكەرتكٸشتٸڭ اۆتورى - «قازاق ەلٸ» مونۋمەنتٸن جاساۋعا قاتىسقان بەلگٸلٸ مٷسٸنشٸ اسقار نارتوۆ. سالتاناتتى شارا بارىسىندا استانا قالاسى ەكٸمٸنٸڭ ورىنباسارى ەرمەك امانشاەۆ قالا تۇرعىندارىن ەسكەرتكٸشتٸڭ اشىلۋىمەن قۇتتىقتادى.
«بٷگٸن قازاق جاۋىنگەرٸ راقىمجان قوشقارباەۆتىڭ ەرلٸگٸن مەڭگٸلٸك ەتۋ ٷشٸن وسى مونۋمەنتتٸ اشىپ وتىرمىز. ونىڭ ەسٸمٸ ٶسكەلەڭ ۇرپاقتىڭ جادىندا ەرلٸكتٸڭ سيمۆولى رەتٸندە ساقتالۋى كەرەك, سول سەبەپتٸ قازاقستان تەۋەلسٸزدٸگٸنٸڭ 25 جىلدىعى قارساڭىندا ەلوردادا اتى اڭىزعا اينالعان ناعىز جاۋىنگەرٸمٸزگە ارناپ ەسكەرتكٸش ورناتىلدى», - دەدٸ ەرمەك امانشاەۆ.
سالتاناتتى شاراعا راقىمجان قوشقارباەۆتىڭ قىزى - ەلييا, اتى اڭىزعا اينالعان كەڭەس جاۋىنگەرٸنٸڭ نەمەرەلەرٸ, سونداي-اق, لەيتەنانت قوشقارباەۆ تۋرالى كٸتاپتىڭ اۆتورى قاسىم اپپاسۇلى قاتىستى. سونىمەن قاتار, ەسكەرتكٸشتٸڭ اشىلۋىنا قاتىسقان جٷزدەگەن ادام ۇلى قازاق جاۋىنگەرٸنٸڭ مٷسٸنٸنە گٷل شوقتارىن قويدى.
مونۋمەنتتٸ ورناتۋعا ەلوردا ەكٸمدٸگٸ باستاماشى بولدى, ەسكەرتكٸشتٸ دايىنداعان جەنە ورناتقان «BI-Group».
راقىمجان قوشقارباەۆقا ارنالعان ەسكەرتكٸشتٸڭ اشىلۋى ماڭىزدى وقيعا, ٶيتكەنٸ ول قازاق جاۋىنگەرٸنٸڭ ەكٸنشٸ ۇلى وتان سوعىسىندا جاساعان ٶلشەۋسٸز ەرلٸگٸ تۋرالى تاعى دا بٸر ەسكە سالادى. كٶپ جىلدار بويى كەڭەستٸك تاريحشىلار ونىڭ ەرلٸگٸن مويىنداماي كەلگەنٸن ايتا كەتۋ كەرەك. 2007 جىلى عانا رەسەيلٸكتەر ەكٸنشٸ دٷنيەجٷزٸلٸك سوعىستا بەرليندە رەيحستاگتى باسىپ الۋ كەزٸندە راقىمجان قوشقارباەۆ پەن گريگوريي بۋلاتوۆتىڭ بٸرٸنشٸ بولىپ تۋ تٸككەندەرٸن رەسمي تٷردە مەلٸم ەتتٸ. وسى ەرلٸكتٸ جاساعان كەزدە قوشقارباەۆ نەبەرٸ 21 جاستا بولعان. باتىرلىعىنا قاراماستان كەڭەس ەسكەرٸ قازاق جاۋىنگەرٸن ەشقانداي ماراپاتقا ۇسىنعان جوق. الايدا 2001 جىلى قازاقستان رەسپۋبليكاسى پرەزيدەنتٸنٸڭ جارلىعىمەن راقىمجان قوشقارباەۆقا قايتىس بولعاننان كەيٸن «حالىق قاھارمانى» اتاعى بەرٸلدٸ.
