فوتو: اشىق دەرەككٶز
استانادا كيبەرقىلمىسقا قارسى كٷرەس باسقارماسىنىڭ قىزمەتكەرلەرٸ ينتەرنەت-الاياقتىقتىڭ ٸرٸ دەرەگٸن اشىپ, 87 جاستاعى زەينەتكەرگە ۇرلانعان 39 ميلليون تەڭگەسٸن قايتارىپ بەردٸ, دەپ حابارلايدى Ult.kz.
وقيعا تامىز ايىندا بولعان. بەلگٸسٸز ادامدار مەسسەندجەر ارقىلى زەينەتكەرمەن حابارلاسىپ, ٶزدەرٸن پوليتسييا مەن ۇلتتىق بانكتٸڭ قىزمەتكەرلەرٸ رەتٸندە تانىستىرعان. ولار زەينەتكەردٸ «پەتەرٸڭٸزدٸ بٶتەن ادامدار ٶز اتىنا رەسٸمدەپ, ساتۋعا شىعاردى» دەپ الداپ, ٷيٸن ساتىپ, اقشانى «قاۋٸپسٸز ەسەپشوتقا» اۋدارۋعا ٷگٸتتەگەن.
الاياقتار تٸپتٸ ٸشكٸ ٸستەر مينيسترلٸگٸ مەن ۇلتتىق بانك «قىلمىسكەرلەردٸ ۇستاۋعا باعىتتالعان قۇپييا وپەراتسييا جٷرگٸزٸپ جاتىر» دەپ يلاندىرىپ, زەينەتكەرگە ەشكٸمگە ايتپاۋىن ەسكەرتكەن. نەتيجەسٸندە, ەر ادام ريەلتور ارقىلى پەتەرٸن ساتىپ, 39 ميلليون تەڭگەنٸ كۋرەرگە بەرگەن.
قىلمىس قىلمىستىق كودەكستٸڭ 190-بابى (الاياقتىق) بويىنشا تٸركەلٸپ, سوتقا دەيٸنگٸ تەرگەۋ باستالدى. جەدەل ٸزدەستٸرۋ بارىسىندا 23 جاستاعى كٷدٸكتٸنٸڭ جەكە باسى انىقتالىپ, ول ۇستالدى. تەكسەرۋ كەزٸندە تەركٸلەنگەن قاراجات زەينەتكەرگە تولىق قايتارىلدى.
پوليتسييا مەلٸمەتٸنشە, جىل باسىنان بەرٸ ەلوردادا ٷش مىڭنان استام ينتەرنەت-الاياقتىق دەرەگٸ تٸركەلگەن. مۇنداي قىلمىستاردىڭ باستى نىساناسى — 50 جاستان اسقان ازاماتتار. پوليتسەيلەر تۇرعىنداردى ساق بولۋعا, بەيتانىس ادامداردىڭ قوڭىراۋلارىنا سەنبەۋگە جەنە كٷمەندٸ جاعدايلاردا دەرەۋ پوليتسيياعا جٷگٸنۋگە شاقىرادى.
