«قازاقستان» رترك اق قۇرامىنا كٸرەتٸن «QAZAQ RADIOLARY» جشس قازاقستان حالقى اسسامبلەياسىمەن بٸرلەسٸپ «مىڭ العىس» قايىرىمدىلىق كونتسەرتٸن ٶتكٸزدٸ, دەپ حابارلايدى "ۇلت اقپارات" كومپانييانىڭ باسپاسٶز قىزمەتٸنە سٸلتەمە جاساپ.
«شارانىڭ ماقساتى - «قازاق راديوسىنىڭ» «مىڭ العىس» ەلەۋمەتتٸك راديوحابارىنا قاتىسقان كٶمەككە زەرۋ, سىرقاتقا شالدىققان كەيٸپكەرلەردٸڭ مۇڭ-مۇقتاجىن كٶپپەن بٸرگە كٶتەرٸپ, قارجىلاي جەردەم كٶرسەتۋ. وسىعان وراي, «قازاق راديولارى» سەرٸكتەستٸگٸ 11 اقپاننان باستاپ «قايىرىمدىلىقتان قالىس قالما! العىسقا بٶلەن!» راديومارافونىن جارييالاعان بولاتىن. قايىرىمدىلىق شاراسىنان تٷسكەن قاراجات «مىڭ العىس» حابارىنىڭ ٷش كەيٸپكەرٸ - جانسايا پٸشەنباەۆ, جاندوس بەرٸكۇلى, تولعاناي باۋىرجانقىزىنىڭ ەم-دومىنا تابىستالادى. وسى يگٸ شارانىڭ باستاۋىندا تۇرعان «QAZAQ RADIOLARY» ۇجىمى ٸزگٸ امالدى ەۋەلٸ ٶزدەرٸنەن باستاپ, بٸر كٷندٸك جالاقىلارىن كەيٸپكەرلەرٸمٸزدٸڭ ەمٸنە اۋداردى. سونىمەن قاتار, الماتىدا اقپان ايىنىڭ 23 كٷنٸ قۇرمانعازى اتىنداعى قازاق مەملەكەتتٸك اكادەمييالىق وركەسترٸنٸڭ كونتسەرت زالىندا قايىرىمدىلىق كەشٸن ۇيىمداستىردى. ودان تٷسكەن 1,5 ملن تەڭگە كٶلەمٸندەگٸ قاراجات «مىڭ العىس» حابارىنىڭ كەيٸپكەرٸ بولات تۇڭعاتارۇلىنا تابىستالدى» دەلٸنگەن حابارلامادا.
«العىس ايتۋ» كٷنٸنە وراي ٶتكەن كونتسەرتتٸك كەشتەگٸ جەشٸكتەردەن جينالعان قاراجات توقٸشەك ترانسپلانتاتسيياسىن كٷتٸپ جٷرگەن ەدٸلەت ارىستان دەگەن بٷلدٸرشٸنگە بەرٸلمەك. كەش سوڭىندا «ۋاقىپ» كورپوراتيۆتٸك قورىنىڭ پرەزيدەنتٸ قايرات ەزٸموۆ ەدٸلەتتٸڭ وپەراتسيياسىنا جەتپەي تۇرعان 2.5 ملن تەڭگەنٸ ٶز موينىنا الاتىنىن ايتتى. بىلتىرعى «مىڭ العىستىڭ» كەيٸپكەرٸ بولعان ارمان ارداقۇلى ەسٸمدٸ بٷلدٸرشٸنگە قاجەتتٸ وتا شىعىنىن دٸنتانۋشى-عالىم قايرات جولدىبايۇلى كٶتەرٸپ العان بولاتىن.
«قايىرىمدىلىق كەش اياسىندا كٶمەككە مۇقتاج كٶپبالالى انالارعا 3 پەتەردٸڭ كٸلتٸ تابىستالدى. بۇلار - «1000 تەڭگەگە باسپانا» ۇرانىمەن كٶپبالالى جالعىزباستى انالارعا ٷي تۇرعىزىپ بەرۋمەن اينالىسىپ جٷرگەن «حارەكەت» قايىرىمدىلىق قورىنىڭ 76,77,78-شٸ باسپاناسى. بۇدان بٶلەك, ەكٸ بٶلمەلٸ پەتەردٸڭ كٸلتٸن «اسىل ادام» قايىرىمدىلىق قورى تابىستادى. پەتەر كٸلتٸ «ٶزگەلەرگە كٶمەكتەسۋ ارقىلى ٶزٸڭە كٶمەكتەس» اكتسيياسى بويىنشا مىڭ تەڭگەمەن قايىرىمدىلىق جاساعان جالعىزباستى انانىڭ قىزى مارينا ماكسيمەنكوعا بۇيىردى. 2017 جىلدىڭ سەۋٸر ايىندا «جان جىلۋى» دەگەن اتپەن ەفيرگە شىققان «مىڭ العىس» راديوحابارى ارقىلى كەيٸپكەرلەرگە وسى ۋاقىتقا دەيٸن 56 000 000 تەڭگە كٶلەمٸندە كٶمەك كٶرسەتٸلدٸ» دەپ مەلٸم ەتتٸ راديونىڭ باسپاسٶز قىزمەتٸنەن.
جاقسىلىقتىڭ جارشىسى بولۋ مۇقتاج جاندارعا كٶمەكپەن عانا ٶلشەنبەيدٸ. بٸر-بٸرٸنەن كٶز جازىپ قالعان, جاقىندارىن جوعالتقانداردى دا تابىستاۋ - ۇلت راديوسىنىڭ پارىزى ٸسپەتتٸ. وسى ماقساتتا 2017 جىلدىڭ قازان ايىنان بەرٸ تالماي قىزمەت ەتٸپ كەلە جاتقان «بارمىسىڭ, باۋىرىم?» راديوحابارى ەفيرگە 70 حابار شىعارىپ, 703 حات-حابار الىپ, 90 ادامدى انىقتاپ, بٸر-بٸرٸمەن تابىستىرىپ ٷلگەردٸ. كەش بارىسىندا 40 جىل بٸر-بٸرٸن كٶرمەگەن ەسكەردەگٸ دوستار, 50 جىل كٶرٸسپەگەن انا مەن بالا, 15 جىل بويى ۇرپاعىن ٸزدەپ جٷرگەن قارييا ەت جاقىندارىمەن قاۋىشتى.
