فوتو: ورتكوم
استانادا قۇرمانعازى اتىنداعى قازاق ۇلتتىق حالىق اسپاپتار وركەسترٸنٸڭ 90 جىلدىعىنا ارنالعان مەرەيتويلىق كونتسەرتٸ ٶتتٸ. بۇل تۋرالى ورتالىق كوممۋنيكاتسييالار قىزمەتٸندە ٶتكەن باسپاسٶز وتىرىسىندا ۇيىمداستىرۋشىلار ايتتى دەپ حابارلايدى Ult.kz.
"ەكٸ بٶلٸمنەن تۇراتىن بۇل كەش — ۇلتتىق ٶنەردٸڭ تەرەڭ تاريحى مەن بٷگٸنگٸ زاماناۋي تىنىسىن توعىستىرعان ايتۋلى مەدەني شارا بولدى", - دەپ وتىر قۇرمانعازى اتىنداعى قازاق ۇلتتىق حالىق اسپاپتار وركەسترٸنٸڭ ديرەكتورى مەدەت قۋانىشەۆ.
كونتسەرت قازاقستان رەسپۋبليكاسىنىڭ مەدەنيەت جەنە اقپارات مينيسترلٸگٸنٸڭ قولداۋىمەن ۇيىمداستىرىلىپ, كٶرەرمەندەرگە دەستٷرلٸ كٷيلەر مەن ەلەمدٸك كلاسسيكانىڭ ٷندەسكەن ەرەكشە باعدارلاما ۇسىنىلدى.
كونتسەرت ەكٸ بٶلٸمنەن تۇرادى: بٸرٸنشٸ بٶلٸم دەستٷرلٸ كٷيشٸ-كومپوزيتورلاردىڭ (قۇرمانعازى, دەۋلەتكەرەي, تەتتٸمبەت, ن. تٸلەنديەۆ, ق. احمەديياروۆ, ت. شەمەلوۆ جەنە ت.ب.) كٷيلەرٸنە ارنالعان اكادەمييالىق كونتسەرت. بۇل بٶلٸم ۇلتتىق مۋزىكانىڭ تەرەڭدٸگٸن, بايلىعىن جەنە تاريحي ماڭىزىن پاش ەتەدٸ. ال ەكٸنشٸ بٶلٸم زاماناۋي باعىتتاعى شىعارمالار مەن ەلەمدٸك كلاسسيكانى قامتيدى. وركەسترگە لايىقتالعان بۇل تۋىندىلار ۇلتتىق دەستٷر مەن قازٸرگٸ زاماننىڭ ٷيلەسٸمدٸ ٷندەستٸگٸن كٶرسەتەدٸ.
"بۇل كونتسەرت ارقىلى وركەستر تاريحي جەنە مەدەني ساباقتاستىقتى ناسيحاتتاۋدى, ۇلتتىق ٶنەردٸڭ زاماناۋي ساحنادا جاڭاشا تٷرلەنٸپ, دامىپ كەلە جاتقانىن كٶرسەتۋدٸ ماقسات تۇتادى", - دەيدٸ مەدەت قۋانىشەۆ.
1934 جىلى اكادەميك احمەت جۇبانوۆتىڭ باستاماسىمەن ون بٸر ادامنان قۇرالعان قۇرمانعازى اتىنداعى وركەستر بٷگٸندە 90 كەسٸبي مۋزىكانتتى بٸرٸكتٸرٸپ, 5000-نان استام ۇلتتىق جەنە ەلەمدٸك مۋزىكالىق شىعارمالاردى رەپەرتۋارىنا ەنگٸزٸپ وتىر.
الداعى ۋاقىتتا وركەستر گاسترولدٸك ساپارىن شىمكەنت قالاسىنداعى «وركەسترلەر شەرۋٸ» رەسپۋبليكالىق فەستيۆالٸمەن جالعاستىرادى. سونىمەن قاتار, شىمكەنتتٸك كٶرەرمەندەرگە اۆتورلىق جوبا - «وركەستر تٷنٸ» ۇسىنىلماق.
ۇلتتىق وركەستر – عاسىرعا جۋىق ۋاقىت بويى ۇلتتىق مۋزىكا مەدەنيەتٸنٸڭ دامۋىندا ايرىقشا رٶل اتقارىپ كەلە جاتقان ەلٸمٸزدٸڭ باستى شىعارماشىلىق ۇجىمدارىنىڭ بٸرٸ. وركەستر رەپەرتۋارى – سان عاسىرلىق ساز مۇرامىزدى بٷگٸنگٸ بۋىنمەن قاۋىشتىرۋدىڭ جارقىن كٶرٸنٸسٸ.
بۇل كەش – تىڭدارمان قاۋىمعا ۇلتتىق رۋحتى سەزٸنۋگە, كٷي ٶنەرٸنٸڭ تەرەڭدٸگٸن ۇعىنۋعا جەنە قازاق مۋزىكاسىنىڭ عاجايىپ ەلەمٸنە ساياحات جاساۋعا مٷمكٸندٸك بەرەدٸ.
