روزا باعلانوۆا اتىنداعى «قازاقكونتسەرت» ماكۇ قر مەدەنيەت جەنە اقپارات مينيسترلٸگٸنٸڭ قولداۋىمەن روزا باعلانوۆا اتىنداعى «قازاقكونتسەرت» مەملەكەتتٸك اكادەمييالىق كونتسەرتتٸك ۇيىمى ەلوردا قوناقتارى مەن تۇرعىندارىن «Kóshpendiler áýeni» II حالىقارالىق ەتنيكالىق مۋزىكا فەستيۆالٸنە شاقىرادى.
جوبانىڭ ماقساتى - بٸرتۇتاس شىعارماشىلىق ورتا قۇرۋ, تاريحى تەرەڭگە جايىلعان ٶنەر, ەجەلگٸ سالت-دەستٷر ارقىلى تٷركٸ حالىقتارىنىڭ بٸرلٸگٸ مەن رۋحانيياتىن ۇلىقتاۋعا باعىتتالعان تٷركٸ مەدەنيەتٸن دەرٸپتەۋ. فەستيۆال ٷزدٸك ٶنەرپازدار تەجٸريبە الماسىپ, ۇرپاقتار ساباقتاستىعىن ناسيحاتتايتىن الاڭعا اينالماق. سونىمەن قاتار, جاس ورىنداۋشىلاردىڭ كٶركەمدٸك تالعامىن تەربيەلەۋگە جەنە ولاردى ٷزدٸك مەدەني قۇندىلىقتارعا باۋلۋعا باعىتتالعان.
كونتسەرتتٸك باعدارلامادا كٶرەرمەندەر فولكلورلىق دەستٷرلەرمەن تىعىز بايلانىستى, تٷركٸ ەلەمٸنٸڭ مۋزىكالىق مۇراسىن جاڭا قىرىنان تانىتاتىن ورىنداۋشىلاردىڭ ٶنەرٸن تاماشالايدى. سونداي-اق, دالا ەۋەندەرٸنٸڭ بايىرعى ٷلگٸلەرٸ مەن حالىق ەندەرٸنٸڭ زاماناۋي ٶڭدەلگەن نۇسقالارى, ۇلتتىق اسپاپتارعا ارنالعان تۋىندىلار مەن ورىنداۋشىلىقتىڭ تىڭ فورمالارى ۇسىنىلادى.
فەستيۆالدٸڭ العاشقى كٷنٸ ساحناعا شىعاتىن شەتەلدٸك ٶنەرپازدار: رەسەي فەدەراتسيياسىنان «نامعار» توبى (بۋرياتييا), زاكير دٷيشەنبەك (قىرعىزستان) جەنە جەنٸبەك پييازوۆ (قاراقالپاقستان). سونداي-اق, قازاقستاندىق ٶنەر ۇجىمدارى مەن تالانتتى ورىنداۋشىلارى دا ٶز ٶنەرلەرٸن ورتاعا سالادى. اتاپ ايتقاندا, «استانا سازى» قازاق مەملەكەتتٸك فولكلورلىق انسامبلٸ, «جوشى» انسامبلٸ, «Satzhan Project» توبى, ەدٸل قۇسايىنوۆ, قازىبەك ەدٸكەي, امانجول نىعمەت, ساندجاي الميشەۆ جەنە ايحات قازيحان.
فەستيۆالدٸڭ ەكٸنشٸ كٷنٸ ساحناعا شىعاتىن شەتەلدٸك ٶنەرپازدار: ارسلانبەك سۋلتانبەكوۆ (تٷركييا), «زافار» توبى (ەزەربايجان), رەسەي فەدەراتسيياسىنان ەركين الەكسەەۆ (ساحا رەسپۋبليكاسى) جەنە ازات بيكچۋرين (باشقۇرتستان). سونداي-اق, «قورقىت» ەتنو-فولكلورلىق انسامبلٸ, «تٷركٸستان» كامەرالىق انسامبلٸ, ەدٸل قۇسايىنوۆ جەنە سالتانات ەرسۇلتان.
2023 جىلى العاش رەت ٶتكەن «Kóshpendiler áýeni» حالىقارالىق ەتنيكالىق مۋزىكا فەستيۆالٸنە ياكۋتييا, ٶزبەكستان, قىرعىز رەسپۋبليكاسى, تٷركييا جەنە ماجارستان ەلدەرٸنٸڭ ٶنەرپازدارى قاتىسقان بولاتىن.
