فوتو: استانا ەكٸمدٸگٸ
استاناداعى نۇرجول بۋلۆارىندا شىعارماشىل ەرٸكتٸلەردٸڭ قۇراستىرىپ شىعارعان ەرەكشە ارت-نىسان – قۇراق-كٶرپە ستيلٸندەگٸ ەكو-شىرشا تانىستىرىلدى, دەپ حابارلايدى Ult.kz ەلوردا ەكٸمدٸگٸنٸڭ رەسمي سايتىنا سٸلتەمە جاساپ.
وسىعان دەيٸن ەلوردادا جٷزەگە اسىرىلىپ, قالا تۇرعىندارىنىڭ ىستىق ىقىلاسىنا بٶلەنگەن بۇل جوبا بيىل تۇرعىنداردىڭ سۇرانىسى بويىنشا جاڭارتىلعان ەرٸ مازمۇنى تەرەڭدەتٸلگەن فورماتتا ۇسىنىلدى. جوبا دەستٷرلٸ قولٶنەردٸ زاماناۋي كرەاتيۆتٸ يندۋسترييامەن ۇشتاستىرىپ, ٶنەر, ەكولوگييالىق سانا جەنە ەلەۋمەتتٸك بٸرلٸكتٸڭ بٸر ارنادا توعىسا الاتىنىن كٶرسەتتٸ.
ۇيىمداستىرۋشىلاردىڭ ايتۋىنشا, باستامانىڭ باستى ماقساتى – ۇلتتىق قۇندىلىقتاردى قازٸرگٸ قالالىق كەڭٸستٸككە بەيٸمدەۋ.
«قۇراق-كٶرپە ستيلٸندەگٸ ەكو-شىرشا جوباسى قالاعا تۇرعىنداردىڭ تٸكەلەي سۇرانىسى بويىنشا قايتا ورالدى. ول العاش رەت 2020 جىلى جٷزەگە اسىرىلعان ەدٸ. بٸز ٷشٸن بۇل جولى يدەيانى جاي عانا قايتالاۋ ەمەس, ونى جاڭارتىپ, جاڭا مازمۇنمەن تولىقتىرۋ ماڭىزدى بولدى. بيىل جوبا جۇمىسشى ماماندىقتار جىلى مەن جىلقى جىلىنان شابىت الدى, بۇل ەڭبەككە قۇرمەتتٸڭ, قوزعالىستىڭ, كٷشتٸڭ جەنە دەستٷرمەن تٸرٸ بايلانىستىڭ سيمۆولى. شىرشاعا ارنالعان بارلىق توقىما ويىنشىقتار بالالاردان باستاپ اعا بۋىن ٶكٸلدەرٸنە دەيٸنگٸ قالا تۇرعىندارىنىڭ قولىمەن نٶلدەن جاسالدى», – دەدٸ جوبا ۇيىمداستىرۋشىسى راحيما مۇكۋشەۆا.
فوتو: استانا ەكٸمدٸگٸ
ەكو-شىرشا مەن توقىما ويىنشىقتاردى جاساۋعا ٷش بۋىن ٶكٸلدەرٸ – ەجەلەر, انالار, قىزدار مەن نەمەرەلەردەن قۇرالعان 50-دەن استام ەرٸكتٸ قاتىستى. بار بولعانى ەكٸ كٷن ٸشٸندە نٶلدەن باستاپ 100-دەن استام توقىما ويىنشىق دايىندالىپ, سيمۆولدىق «جاقسىلىق ساندىعىن» تولتىردى. بۇل بۇيىمدار ەلوردا تۇرعىندارى مەن قوناقتارىن قۋانتاتىن ٷلكەن ارت-وبەكتٸنٸڭ اجىراماس بٶلٸگٸنە اينالدى.
جوبا قازاقستانداعى جۇمىسشى ماماندىقتار جىلى اياسىندا جٷزەگە اسىرىلىپ, قول ەڭبەگٸنٸڭ, ۇرپاقتان ۇرپاققا جالعاسىپ كەلە جاتقان قولٶنەر داعدىلارى مەن كەسٸپتەردٸڭ ماڭىزىن ايقىندايدى. سونىمەن قاتار, قولمەن جاسالعان ەڭبەكتٸڭ مەدەني باستامالار مەن كرەاتيۆتٸ ەكونوميكانىڭ بەرٸك نەگٸزٸ بولا الاتىنىن كٶرسەتەدٸ.
