استانادا التى بالاسىمەن جالدامالى ٷيدە تۇرىپ جاتقان انا بيزنەسمەننەن ٷش بٶلمەلٸ پەتەر سىيعا الدى, دەپ حابارلايدى Sputnik.
قۇرىلىس كومپانيياسىنىڭ باسپاسٶز قىزمەتٸ حابارلاعانداي, اتى-جٶنٸن ايتۋدى جٶن كٶرمەگەن كەسٸپكەر قىمبات كٶلٸكتەن باس تارتىپ, وعان جيناعان 17 ميلليون تەڭگەسٸن كٶپبالالى وتباسىعا پەتەر ساتىپ الۋعا جۇمساعان.
"ماعان بۇل جاڭالىقتى حابارلاعاندا, بٸردەن سەنە قويمادىم. تٷسٸم ەكەن دەپ ويلادىم. ال كومپانييانىڭ ساتۋ بٶلٸمٸنە ەرتٸپ بارعاندا, قۋانىشىمدا شەك بولمادى. بەرٸنەن دە قىزدارىم قاتتى قۋاندى. ەندٸ ولاردىڭ ارمانداعان ٶز بٶلمەسٸ بولادى", — دەدٸ جانار ٷزدەنباەۆا كٶزٸنە جاس الىپ.
جاڭا تۇرعىن ٷي كەشەنٸنەن ٷش بٶلمەلٸ پەتەر ساتىپ الۋعا كەسٸپكەرگە كەم دەگەندە جەتٸ ميلليون تەڭگە جەتپەگەنٸن ەسكەرٸپ, قۇرىلىس كومپانيياسى قالعان شىعىنداردى, سونداي-اق تۇرعىن ٷيدٸ تازا ەرلەۋدەن ٶتكٸزۋدٸ ٶز موينىنا الىپتى.
باسپاسٶز قىزمەتٸنٸڭ مەلٸمەتٸنشە, كٶپبالالى وتباسى كەلەسٸ ايدا, ياعني ناۋرىزدا جاڭا پەتەرگە كٶشە الادى.
جانار ٷزدەنباەۆا ٷشٸن مۇنداي سىيلىق كٷتپەگەن وقيعا بولىپ قانا قويماي, بولاشاقتا بالالارىن لايىقتى ازامات ەتٸپ تەربيەلەۋٸنە ٷلكەن سەنٸم بەردٸ. ەندٸ جەسٸر انا جالدامالى ٷيگە كەتەتٸن قاراجاتتى ٶز بالالارىن ەمدەۋگە جۇمساماق. بٸرٸنٸڭ كٶرۋ قابٸلەتٸن قالپىنا كەلتٸرۋ قاجەت بولسا, ەندٸ بٸرٸمەن پسيحولوگ جۇمىس ٸستەۋٸ كەرەك – ەكەسٸنٸڭ قازاسىنان كەيٸن بالا تٸلدەن قالعان.
